ملتقى طلاب وطالبات جامعة الملك فيصل,جامعة الدمام - عرض مشاركة واحدة - مذاكرة جماعية مجلس مــذاكرة || ملازم واسئلة امتحان ومجموعة كويزات وجميــــــــــع مــــــــــايخص ((النـــــحو التطبيقي 2)))

عبدالله_بني تميم · 2014- 5- 17

اقتباس:

المشاركة الأصلية كتبت بواسطة منوووو11

اتوقع الاجابه :
ج\ جاع ......س\سمع .........ش\شرب ..........ك\كتب
بالترتيب والله أعلم

أما الاول مادري والله وننتظررركم

ركزي معي ابي ألخص المحاضره الرابعه عشر باللي آقدر عليه مادامني فهمتها لآن النحو فهم مو حفظ :

المعاجم العربيه آنقسمت الى قسسمين :

1-معجم المعاني

2- معجم الألفاظ

* معجم المعاني: آختص دراسته وعلمه باللفظ المستعمل او الحقل اللغوي يعني هالمعجم درس ألفاظ الأبل

والخيل والألفاظ الداله على الكليه طبعا من آشهر المعجمات اللي فيه هم 3

واحد يقاله الثعلبي له كتابين

والثاني يقاله عبيد القاسم بن سلام

والثالث أبن سيده

الحين نجي لمعجمات الألفاظ وآنقسمت على 3 مدارس وهنا تبغى فهم بس ركز /ي

الآولى / مدرسة العين وسموآ المعجم على آسمها معجم العين

هالمدرسه مسكها واحد يقاله الخليل بن آحمد الفراهيدي , ابو خليل هاذا مثل الشخص المعكوس عكس الحروف الحين ابجي كيف عكسها ورتبها مع آنه بالملزمه قالو عنه عبقري

ابو خليل خوينا هاذا قسم معجمه الى 3 أسس :

1- ترتيب الحروف :

رتب المعجم على مخارج الحروف عند النطق يعني ابو خليل هاذا رتب الحروف على حسب خروجها من الفم مرورا بوسط الحلق وبنهاية حروف الشفتين << هاذا جواب لسؤالي من شوي

2- تقسيم الأبنيه :

جاء اخونا ابو خليل ومسك كل حرف وقسمه الى أبواب يعني حرف ع و ح و هـ و خ قسسسمها قال باب العين وقال باب الحاء وقال باب الهاء .... وهاكاذ

3- تقليب الكلمات :

ابو خليل الله يهديه قلب الكلمه الى ست قلبات على قولتنا فصفصها تفصيص مثل مسك كلمة ( كتب ) فصفصها قال ( كتب , كبت , بكت , بتك , تكب , تبك )

الحين نجي كيفية طريقة بحث الكلمه في مدرسة العين

نبي نأخذ مثلا كلمة ( أجتهاد ) نشوف كيف مدرسة العين قسموها الى 3 أقسام :

1- رجعو الحروف الأصليه للكلمه صارت ( جهد )

2 - جابو آقصى حرف من نطقها وخروجها من الفم طبعا يصير الحرف (الهاء)

3- رجعو بناء الكلمه المقصوده وتأكدو هل هي ثنائي او ثلاثي معتل الآخر او ثلاثي صحيح طبعا بالكلمه حقتنا

ثلاثيه صحيحه تصير ( هجد )

المدرسه الثانيه هي المدرسه التـقفيه أو القافيه :

هالمدرسه ذي رتبت حروف اللغه على حسب ترتيب الحروف العربيه من الهمزه الى الياء ولاكن بأعتماء الحروف الأخيره لا الحروف الاولى

نبي نأخذ مثال لكي تتوضح آكثر :

نرتب الكلمات التاليه (كتب / جاع / شرب / سمع )

نشوف الحرف الأخير بكل كلمه أيش الأول بترتيب الحروف العربيه صار ( كتب و شرب ) طيب نفس الحرف بالأخير

نشوف الحرف الأول عشان يفصل بينهم تصير شرب / وكتب

ونفس الطريقه لكلمة جاع وسمع فيهم نفس الحرف الأخير نشوف الحرف الأول يفصل بينهم تصير جاع , سمع

يصير التريب

شرب , كتب , جاع , سمع << وهاذا جواب لسؤالي

المدرسه الأخيره هي مدرسة ترتيب الألفبائي :

باين من اسمها انها الف وباء هالمدرسه ذي هي سهلت كل شي وصارت ترتب الكلمه على ترتيب حروف اللغه

العربيه (حروف الهجاء ) الأول والثاني والثالث

ولو نبي نرتب كلماتنا اللي من شوي تصير : جاع , سمع , شرب , كتب

في الختام هاذا اللي قدرت عليه من فهمي وأن فيه خطأ آحد يصوبني وان فيه صح فهو من الله سبحانه