مساكم الله بالخير احبتي المتهورين
طبعا كثير منا للحين متخربط ومو عارف من وين يبدأ
والبعض متكاسل ويبغى اسرع واسهل طريقه
هنا بيكون تجمعنا لمساعدة بعض
والفكره هي كالتالي : لما تقرأ ملخص شيء اخر او تتابع الدكتور وتلاحظ شي عجزت تفهمه الا بعد تفكير وتعب
تجي هنا وتكتبه عشان غيرك يستفيد معك وتساهم في التيسير على غيرك
طبعا انا للحين في المحاضره الثانيه
بس لاحظت في ملخص اخونا شيء اخر صفحه 13
سؤال بخصوص حجر النرد >> احتمال ظهور عددين حاصل مجموعها 9 على الاقل
فكرته بسيطه جدا للي ما استوعب >>> يعني اي عددين مجموعها 9 فما فوق
يعني كل الاحتمالات اللي ناتج الجمع فيها 9 وأكثر
وتلاحظون حجر النرد اكبر عدد فيه 6 يعني ممكن يطلع الناتج اكثر شي بين عددين 12
والآخر يقول >>> عددين حاصل ضربها 6 على الاكثر
اي عددين لما نضربها في بعض مجموعها 6 فما دون
يعني حاصل الضرب يبدأ بـ 1 ....... الى 6
ونشيل اي عددين حاصل ضربهم اعلى من 6
اتمنى تكون وضحت الصوره اكثر
واذا لاحظت اي معلومه بجي اسردها لكم هنا ع السريع
واتمنى الكل يساهم ولو بجزء بسيط