2014- 5- 18
|
#15
|
|
أكـاديـمـي ذهـبـي
|
رد: شكرا من القلب ❤️
اقتباس:
المشاركة الأصلية كتبت بواسطة اموون الرياض
ماني مصدقه اني خلصت الجامعه !!!!
للحين اتذكر مسج الجامعه في رمضان قبل اربع سنوات
اللي فيه تم قبولي المبدئي وفرحتي وبكاي وقتها :cry111:
درست وسهرت وعانيت وتعبت ومرت علي ايام صعبه وقت الاختبارت وقدرت اتجاوزها بالصبر حتى انجح واتخرج بدون تاخير . اخرها كان الترم الماضي .. كنت اطلع من الاختبار و ازور ابوي بالعنايه المركزه وكلي حزن والم على مرضه . شهرين بالمستشفى . كنت ازوره وابشره باختباري اني عديته وحليت كويس . كان كل مره ينسى من المرض ويسالني متى بتتخرجين ؟ واقوله قريب باقي ترم واحد واخلص .. ويقولي بشريني اذا تخرجتي . واليوم بعد اختباري الاخير رحت للمصلى وسجدت سجود الشكر وحمدت ربي ان كل الصعوبات اللي مرت على ما منعتني عن اي اختبار ولا اثرت في دراستي لدرجة الرسوب . حمدت ربي انه حقق لي امنتيتي بالدراسه بالجامعه بالتخصص اللي ابغاه والله كريم وما يرد دعوة عبده المضطر . وبكيت بكاء الحسرة ....
لاني ما اقدر ابشر ابوي باني خلصت اختباراتي وعديتها . واني تخرجت ونجحت . وهو اللي كان مهتم وقلبه علي وعلى دراستي ... لانه توفى الله يرحمه قبل اربع شهور قبل تطلع نتايج الترم الماضي باسبوع .
وصيتي لكم يا اخواني واخواتي اسعدوا قلب ابوكم وامكم ما داموا احياء وفرحوا قلوبهم بنجاحاتكم و بالاخبار الساره . يكفي ما عانوه عشاننا . ردوا لهم الجميل قبل الرحيل . استغلوا وجودهم معكم الان بصحتهم وعافيتهم وفرحوهم لو بكلمه . اسال الله ان يرحم ابوي ويطول بعمر امي . ويخليكم والدينكم ويمتعهم بالصحه والعافيه وطولة العمر في طاعة الله . اعذروني على اسلوبي الركيك . لاني اكتب وانا بحالة صعبه .
|
رحم الله والدك رحمة واسعة ،، و أطال بقاء والدتك و أعانك على برها
وألف ألف مبرووووك التخرج و منها للأفضل بإذن الله 
|
|
|
|
|
|