السلام عليكم ورحمة الله وبركاته

السؤال واضح من العنوان !
كان عندي أمال كبيرة اني أتوظف وأكمل دراستي الماجستير
لكن ماراح يحصل أي شي من هذا لا دراسة ولا وظيفة ....

سجلت ماجستير في جامعة الملك سعود وقبل أيام أرسلت لي الجامعة الرفض على أيميلي
الحقيقة حاسة بالأحباط ، مادري من أشاور قلت أشاوركم :
أنا أنسانة مستحيل أتخلى عن أحلامي ، واترك مستقبلي يضيع
أقعد بالمطبخ أطبخ كبسة وأغسل صحون وأنسى شي أسمه مستقبل
وبدل كتب التربية الخاصة وعالم الأنترنت والاحلام ، كتب طبخ وقناة فتافيت
وأشحذ الفلوس شحاذة ، وتجيني بالقطارة من مناسبة لمناسبة

بس مابي أسد نفسي أكثر
، علشان كذا :
قررت أدرس بكالوريوس حاسب أو لغة إنجليزية بما أن الوظيفة مو حاصله
وماراح يقبلوني بالماجستير ...

اللي يدخل الموضوع يكتب لنا مشاريعه بعد مايتخرج
خصوصاً طالبات صعوبات التعلم ...

تكفون اللي يمر على الموضوع لايبخل علينا بليييز أعتبروني أختكم وتايهه دلوني
على طريق