اللي فاته الواجب الثاني يلحق عليه
قبل ماينتبهوا ويقفلوه لقيته موجوود بلابك بورد
اخوي شباصات خذ خطتي وان شاءالله ننجح
انا ميح في الماث ولا احبه ولا ودي اعرفه
لابالطيب ولابالباطل ماواطنه كيفي كذا تركيبتي
ماتتفق مع هالهلوسه - الخطة طال عمرك
نبقق عويناتنا في المحاضرة 20 و 21 نكتب السوال
بالدفتر عندنا وتحته الجواب ان عرفنا طريقة الحل
بكاسيو او من الشرح الخير واهله وان ماعرفنا
نحفظ الجواب والسوال حفظ هذه يبيلها يوم كامل
اللي هو اليوم الثلاثاء وبكر الاربعاء ندور الفصلي
والواجبات ونعمل فيها نفس الشي مانمرح الا
وحنا مغيبينها مثل اسامينا والخميس من الصبح
الى قبل الاختبار القط اي واحد يمر قدامك بالبيت
وخله يسمعلك ولا قضيت لا يردك الا قاعة الاختبار
انثر فيها كل المعلومات اللي بالكمخة وعطهم الورقة
وتوكل على الله ودور ملخص العقيدة
هذه وصفة للحبايب اللي مثلي ومثلك فقط لاغير
اللي ماتنطبق عليه الشروط لايقرب منها يتوهق