يا اخوان...

بحكم اننا منتسبين واكثر فئة تدخل موقع الجامعة
المفروض يكون لنا الرأي المهم حول هذا الموضوع


والحقيقه انطباعي عن تصميم موقع الجامعة الجديد سيء, وغير واضح, وغير مفهوم, وغير منسق.
عكس الموقع القديم وان كان على التصميم القديم ملاحظات الا انه افضل من الجديد.
الموقع الجديد صدق يفشل...


الصور مرتكزة بنصف الصفحة الرئيسية وماخذه حيز كبير, واخبار بنص مالها داعي
تفحت الصفحة وتجلس.. تنزل الصفحة .. تنزل الصفحة .. يالله توصل للي تبيه, بسبة هذي الخرابيط اللي بنص الصفحة!!!

خرابيط×خرابيط
اذا بتدخله لازم تستعين بمشعوذ علشان يفهمك هذي الطلاسم!



يعني مثلاً تفتح الصفحة الرئيسية وتبي تروح للتعليم عن بعد << عن طريق القائمة المنسدلة اعلى الصفحة, واسمها (الخدمات السريعه)!!!
وش ذاء يا حبيبي؟ يصرفونا ؟ولا يزحلقونا؟
قال ايش قال خدمات سريعه!!!
حتى الحفريات ما يسون تحويلة بهذي الطريقة!!!




بالنسبة للاعلانات الخاصة بالتعليم عن بعد:
مثلا اعلانات نزول المحاضرات المباشرة << حاطين عليها صورة العميد الفريدان
فهموني وش دخل الفريدان بالموضوع؟ يعني هو اللي بينزل المحاضرات المباشرة؟
المفروض يحطون صورة تعبر عن المحاضرة المباشرة, او عن الخبر.
((وحركات التزيدن بطلوها))



بعدين تدخل على التعليم عن بعد تحصل ايقونه فوق على اليسار اسمها (الطلبه الجدد)
وما فيه رابط ولا ايقونه للتسجيل بالتعليم عن بعد
شلون بيجون طلبه جدد؟

(وش نوع هذا الحشيش الفاخر؟)