المشاركة الأصلية كتبت بواسطة روضة الجنة

و ليش مو 59 عموما من باب الفلسفة انا احوب النحف الفرنسي . . 50 هههه . . ما عليا من الاجابة صحيحه انا احب 50 ههههه
دا نحف عارضات الأزياء . .


الفرنسين لو كان طولك 160 وزنهم المثالي 50 . .
نحن العرب نحب الربربه و امتلاء . . فيقولوا لكي 160 طولك . . يعني60 وزن مثالي . . ايش مثالي ! ابد ما احس اني مثالية ! بالعكس احس روحي دوبه . . دا امتلاء يسموه الأجانب عندهم . . Plus model size
بس النحف الفرنسي يسموه . . Model size

و حتي ال plus modle size . . يتراوح بين ( حد أدنى و أعلى ) ما بين مقاس ( 12 - 18 ) مثلا

من قراءاتي الخارجية دايما ألاقي انه الوزن الطبيعي ( له حد أعلى و أدني ) في الوزن المثالي
مثلا لو كان طولك 150 وزنك الطبيعي يتراوح ما بين ( 43 - 55 ) مثلا

بس انه يكون وزنك بزبط 50 هده دقه ما بيقيسوه عليها في ارض الواقع . .

زي دحين كتب الفقة لسه تقيس السفر بالفرسخ . . و نحن زمن التطور نقيس بكيلومتر . .
ما علينا . . القصد انه القياسات هده مو مستعمله . .

و انا احب أريحيه في اذواق . . و احب أختار الحد الأدنى من الوزن المثالي . . وهو القريب لنحف الفرنسي . .

و اقصد الحد الأدنى يعني 43 لو طولي 150 . .
و لو انا كنت أنحف من كدا . . يعتبر نحفي مرضي . . داخلة الأمراض . .

و حتى هده فيها فلسفه قرأتها عند بعض الدكاتره الأجانب . .
لو كان وزنك تحت الحد الأدنى من الوزن المثالي . . بس انت خالية من الأمراض و عندك لياقة بدنيه و صحه . . فما يعتبروك مريضة و ما يدفعوك للأكل بإجبار . . دام أمورك صحية طيبه تمام . .

معاك شخصية تعشق القراءة في كتب الصحة والرجيم و التغذية و الرياضه و احب اطبقها و درست بكلوريا تمريض . .

لو سألتيني على إجابه صحيحه من بين اختيارات على حسب قراءاتي الخارجية . .
كنت قلت لك ثلاثه هده ( 50 - 59 - 61 ) صح . . هده هي أوزان مثاليه تتراوح بين ( حد أعلى و ادنى ) . .
بس اللي ( 88 ) دبدوبه . . فهي خطأ . .


انا اقدم اعتراض على هدا سؤال . . لا يتناسب مع ارض الواقع . . و لا فيه اريحية في اذواق . .