السلام عليكم ورحمة الله وبركاته .اتمنى للكل التوفيق والنجاح يارب وبركة الاجازه للعاطلين وبركة العوده للدوامات للموظفين اللي انا من ضمنهم ,ماعلينا ندخل بالموضوع للأمانه انا انسانه اكتب انطباعي الحقيقي عن اختبار الماده بعيدا عن الفلسفه والكلام اللي ماله داعي (الماده كثيييييييييييييير تهاونوا فيها وانا كنت من ضمنهم )
لكن بديت بقراءة اسئلة الترم الماضي فقط واستنتجت اسلوب الدكتور ,انه دقيق وممكن يلخبطك كونه يجيب لك جمل متقاربه جدا لكن من تركز فيها تجد الاختلاف ف حرف واحد ممكن .وكذلك بعض مسميات الامراض انا مو فاكره السؤال لاني نسيت كل شيء من طلعت من اللجنه ,لكن السؤال كان اسم مرض ومحد بيعرف يحل هالسؤال الا اللي ركز وكان دقيق في فهم شرح المرض او النقطه لان اسم المرض الي جابه من بين السطور ,مانختلف الاسئله كانت متوسطة الصعوبه لانها اعتمدت اعتماد كلي ع التركيز والفهم ,وفيه ناس يقولون الاسعافات الاوليه محذوفه وجاب منها وشلون /لانكم ماركزتوا الله يهديكم الاسعافات الاوليه المحذوفه تبع الدكتور المطر وليس الحمدان .ختاما لاتستبقون الاحداث يمكن ربي كتب ان جميع حلولكم صحيحه ولاتوترون انفسكم ,طلعت نتيجتك بالاختبار او حملت الماده ,فيه ايقونة تظلم بإمكانك التواصل من خلالها ومع ذلك يازييين اختبار الصحه جنب اختبار الغثيث مباديء اداره ,وتمنياتي للجميع بالتوفيق والنجاح يارب .