|
رد: بخصوص انجليزي قراءة طلاب وطالبات الانتساب تعالوا ابيكم بكلمه راس
اقتباس:
المشاركة الأصلية كتبت بواسطة ali al-nasser
اولاً كتابة البيانات اول شيء هذا شيء اساسي و موصى عليه في موقع الجامعة
كما انه بشكل منطقي فعلاً ، كما ان توزيع اوراق الاجابة تكون قبل وقت الاختبار بربع ساعه
من اجل تعبئة البيانات ، لكن الناس طواعية تتاخر شويه من اجل صلاة المغرب
اما التاخير الزايد كون الواحد يدخل والناس انتهت من تعبئة البيانات و بدأت تحل الاسئلة
يعني انه هو شخصياً ما عنده احترام لوقته ، ووقت الاختبار ، ويطالب الناس باحترام الوقت
شيء مضحك صراحه
يجونا ناس بعد 45 دقيقه من بداية الاختبار ، وبعدين يتشكوا من الوقت
|
شف اخوي
اولا : انا سنويا اشرف على اختبار القدرات لطالبات والمعلمات ووقت تعبئه البيانات من حق الطالب ماله اي علاقه بزمن الاختبار
ثانيا : المراقبات اللي عندنا مو فاهمين النقطه السابقه عندهم ان تعبئه البيانات من ضمن نطاق وقت الاختبار
ثالثا : المراقبات ماعندهن تنظيم في الشغل الا فيما ندر تجيك المراقبه توزع الاوراق مع الاسئله وشوي ترجع تجيب كشف الاسماء وشوي ترجع تجيب الختم علشان نبصم ( ولحد الان استغرب سالفه البصم كلما ارجع لآهلي بعد الاختبار يقولون انتي ماسكينك بقضه جنائيه وش هالبصم اللي كل يوم رغم ان اخوي يختبر معي بمركز اخر يضحك علي يقول مراقبيننا مايبصموننا فما ادري هالبصم هذا من وين جاي وليش يطبق بجهه وجهه لا )
رابعا : ما اشوف ان الوضع يضحك يا اخوي لما البنت تنزنق وماتلقى احد يجيبها وتجي متأخره اعتقد حنا بنات مو مثلك ندق سلف ونوصل بالوقت المحدد
خامسا : تصدقون ياجماعه ان مره مسكونا المرور انا واخوي علشان التضليله وكان ذاك العسكري من النوع الي يحب الطويله بالهرج قال ماتحركون لين تشيلون كل التضليله ويوم شفته ماسك الدعوة تمنطق طلعت له من السياره وبوسط الرجال وقلت له ي اخوي انا وراي اختبار خل القسايم بالمركز ابي اللحق اختباري قال : خلاص روحوا بس ترا القسيمه الف ريال تدفعون قدااااااام بالمركز
ههههههه حتى انت ي ابو نجمتين تهدد وترفع القسيمه على كيفك علشان تضليله ؟؟ لا بالله المسخره واقفتن لنا بكل مكان
خامسا : مسالة الوقت هي كلها خطأ انك تحط اختبار وماتراعي فروق الوقت بالصيف والشتاء عندنا يأذن المغرب 6:40 بالله عليك انت تلقى احد يجيبك والا تصلي بالطريق والا تدخل القاعه بلا صلاه خاصه ان الوقت بين المغرب والعشاء قرابه ساعتين الا يعني وزمن الاختبار ساعتين متى تصلي بالله ..؟؟؟؟ واالا تجمع الصلاه لعيون المراقبين ؟؟
سادسا : انا كطالب من حقي اذا شفت غلط بالوقت او من المراقب اني ارفع للمسؤولين الامر علشان يجدون حل
سابعا : اذا انت ماواجهت مشكله او موقف مع مراقب ولا جاك شخص نشبه وقليل خبره في مجال الاشراف فأنت سعيد حظ لكن حنا عانينا صحيح فيه مراقبه او ثنتين مروا علينا ادعي لهم على حسن تعاونهم لكن البقيه لو يستبدلونهن بشغالات اثيوبيات احب على قلبي منهن
ثامنا : الاحترام موجود لكن التنظيم والوقت الفعلي غير موجود دابسين لك الوقت دبس وقت تعبئه البيانات مع وقت الاختبار واهم شيئ عند المراقبين التدخل لو اشرب موياء واحط القاروره على الارض جتني وقالت لو سمحتي وخريه بمشي طيب اطمري يالنمله تراه قاروره ماء مو قليب
لا حول ولا قوه الا بالله بسس
|