بصراحه مستغرب من ردة فعلكم لاختبار المحاسبه الاداريه
وكلمة حق والله يشهد الاختبار مو سهل ... لكن مو صعب لدرجة التعقيد
وشكاوي بالجرايد وحملات ضد الجامعه والدكتووووور
انا اشوف ان اختبار الاستراتيجيه كان اصعب ودكتور الماده سئ ومايعرف يشرح ...
اما المحاسبه الاداريه كان الدكتور شرحه وافي وواضح ... لكن الملاحظه اللي عليه هو كثرة الاسئله الرياضيه اللي ماتتناسب مع وقت الاختبار.... واللي يقول في اسئله من خارج المقرر والثاني يقوول اعطيتها محاسب وماقدر يحلها
مع احترامي كلام فاضي

الزبده ...حنا خريجييين .... يعني بتاخذ شهادة بكالريوس ادارة اعمال
لازم نتعب ونجتهد ... مو على طووول تبون اسئلة الترم اللي فات ماتتغير وتحفظوون وتدخلون الاختبار
لاتقولوون دافعييين فلوس .... وعندنا وظايف .... وبزران.... ومسؤليات.... كلنا في الهوى سوى لاتشكي لي ابكي لك
هذا مو مبررر
وردة فعل البعض اووووفر
وهذ راييي من اول لحظه دخلت المنتدى بعد اختبار المحاسبه .... لكن ادري انكم في لحظة غضب والاختبارات لسه مانتهت وتقديرا لمشاعركم ..... فضلت اخلي رايي لبعدين
الان بعد مرور اسبوع ... اتوقع عدينا مرحلة الصدمه ويمكن تتقبلون رايي بصدر رحب وعقلانيه اكثر
وتراني معكم ماني بضدكم ورفعت تظلم عشان اكون مع الجماعه
ومشاركاتي بالمنتدى معدومه لانكم ياخواني وخواتي مانتو مقصرييين في شي جزاكم الله الف خير
طيلة الثلاث السنوات الماضيه كفيتو ووفيتو
ولولا الله ثم مجهوداتكم ماوصلت الى ماوصلت اليه
يعلم الله اني ادعيلكم بالغيب واذكر بعضكم باسم المعرف في سواليفي وعند ربعي بالخير واثني عليكم
وكلمة حق قلتها ورأي شخصي أرجو تتقبلونه ان وافق رايك وا خالفه بدون اسائه
ونلتقي لنرتقي
وسلامتكم