كلامك رائع .. وعين العقل
أنا صراحه قد صارت معي وفي قهري وأحساسي بالغبن أدعي عليهم أن الله يصعب عليهم باللي يشوفهم يستحقونه ..
في دكاتره فعلاً ظالمين ..
وفي دكاتره يخرجون عن المحتوى ..
لاتنكرون هالشيء .. وأذا أنت مامريت بهالشيء فماراح تحس بالقهر
..
أولها الدكتور عبدالله النجار .. خرج عن المحتوى وجاب أشياء ماعمري شفتها في أختبار الأحصاء
وأنا وقتها كنت مخلصه مو بس في المذاكره .. في متابعة المحاضرات أول بأول ..
قبل الأختبار بشهر بدأت أشوف المحاضرات
وبدأت أذاكر قبل الأختبار بأسبوع .. طبعاً هو طلبنا نشتري الكتاب اللي كان من تأليفه !
وأحنا أكتفينا بالمحتوى والملخصات ومحاضراته ..
وجاب الأسئله من اسئلة الكتاب .. اللي شرحها واللي ماشرحها جابها
كأنه يعاقبنا ليش ماشرينا الكتاب !!
....
أخرها دكتور الأنشاء والتعبير 2 .. جاب لنا أسئلة قرامر من ماده ثانيه
حوالي 8 أسئله .. من ماده درسناها في الترم الماضي !!
وأغلبنا نسيها ..
بحجة أنها قواعد عامه في الأنجليزي !!
زي لو عندك أختبار مطالعه .. وتجيك أسئله نحو وبلاغه ..بحجة أنها كلها لغه عربيه!!
..
وذكرني أتهامك للطلاب بالقصور بشي صار معي
مادة الأقتصاد الجزئي في أول ترم درسته
كنت متابعه الماده محاضره محاضره .. وذاكرت قبل الأختبار بأسبوعين تقريبا>> حماس أول ترم
طبعاً الدكتور طول الوقت يقرأ هالماده قراءه من الشرائح .. هالماده الي نقدر نشبهها بالرياضياات لصعوبتها!!
قططعت نفسي مذاكره لهذه الماده وعشان شرحه ماكان واضح رحت أدور لشروحات عن الماده في يوتيوب
ولما حسيت أني خلاص فهمت رحت للأختبار :
والله والله العظيم ..ما أكذب عليكم .. لأني حلفت
أن بعض الأسئله اللي حطها لو كان الكتاب جنبي على الطاوله ما قدرت أحلها
والله كأني أشوف أسئلة ماده أخرى ..
كل المواد في ذاك الترم جبت فيها a+ أو a
ألا هالماده أخذت فيها C+
نجي للحل اللي قدمته :
طاالبوهم .. أحتجووا!
طالبنا .. أحتجينا .. ماشفنا نتيجه !!
يمكن أنهم يعطون الدكتور أنذار مثلا وأحنا ماندري ..
لكن كيف نعرف ألحين أن مطالبنا نفعت ؟
كيف نعرف أن الأسئله الخارجه من المنهج أحتسبت درجاتها ؟؟
أدارة الجامعه والدكاتره نادراً يعترفون بغلطتهم
..
لكن تظل جامعتنا أفضل نظام للتعليم عن بعد ..
والحمدلله على هالشيء