ياكنق الافالون
انت في المسار الصحيح وانت رجال حليو وزقرت ( متاثر باب الحارة )
احسن من الشباب اللي عندي اخواني وعيال عمي اصايح عليهم ادرسوا في الجامعة ولا حياة لمن تنادي
كلنا نعرف ان العسكرية بدأت توظف كثير وخصوصا اللي فيها صغار في السن مثلك
ومثل اخواني وعيال عمي
وكلكم ثانويه عامه
انت الان راح تفرق عنهم كثير بالنقاط اللي تاخاذها اللي هي عدد الساعات كل 30 ساعه بنقطة
واذا اخذت البكالريوس تفرق عنهم بـ 4 نقاط
يعني ان شاء الله كل ماتجي مرحلة ترقية تترقى
2- الضباط اللي عندك معاهم شهادة بكالريوس في العلوم العسكرية وانت معاك شهادة بكالريوس في ادارة الاعمال
انت تفرق عنهم وافضل منهم لكن ارزاق مقسمها رب العالمين اضافة الى الواسطة وسجلوه ضابط
3- يعني لو نفصلك انت ونفصل ضابط معك وتقدمون على شركة وتقول معي ادارة اعمال وهذا يقول معي علوم عسكرية
بيقولون له مع ذاتك ياحبيبي عطونا ابو ادارة اعمال
4- الاهم لاتضعف همتك وواصل وخذ البكالريوس ولا بعد ان شاء الله الماجستير
اقل شي معك شهادة زي العالم والناس ماهو شاهدة ثانوية وشهادة فرد اساسي وانت عارف وش اقصد
5- احيان الواحد وهو صغيرر ايام الثانويه ومرحلة الثانوية يغلط باشياء كثيرة ومايذاكر ولا يشد حيله وياخذ نسبه بالثانوية ويلتحق بوظيفه راتبها عالي
كله بسب الجهل والزقرت اللي عنده يارجال اخرها عسكري
ماعليه الواحد يجهل او حياته لكن طول عمرك تجهل مايصير
اجلد ذاتك ولا توقف عن جلدها الا بعد ماتحط البكالريوس في مخباك
بتكلم لك عن نفسي شوي
انا جهلت وقت الثانوي وضعيت نفسي والحمد الله وظيفتي زينه لان الوقت اللي تخرجت فيه كان وقت رخى ولا في بطاله مثل هالوقت هذا
شغال الحين جلد ذات
اخذت دورة 6 شهور ادخال بيانات ماقتنعت للحين مابردت حرتي
اخذت كم مستوى انقلش في معاهد خاصة ماقتنعت
اخذت برمجة حاسب الي من الكلية التقنية سنتين وللحين ماقتنعت
وان شاء الله الترم الجاي خريج ولا راح اقتنع
ممكن اذا شفت قدام اسمي حرف الدال ( د.فهد ) ذاك الوقت ممكن اقول انا راضي الان عن نفسي
واكفر عن غلطت الثانوي
موفق يالكنق