|
علم الاجتماع تم اغلاقه نهائي لاتحويل ولاتسجيل
السلام عليكم ورحمة الله وبركاته
سمعنا قبل فتره شائعات عن اغلاق والغاء قسم على اجتماع
طبعا انا ماصدقت هالكلام كله لحد أمس وقتها استوعبت ..لأني قرأت حوار بين طالبات وطلاب جامعتنا الحبيبه مع الدكتور عبدالرحمن العنقري في تويتر
قالها نصا مافيه تسجيل ولاتحويل لعلم اجتماع تم الغاءه بقرار من الوزاره
وطبعا هذا كله موجود حاليا في صفحته
انا عن نفسي متضااااااايقه والله العظيم على كبر الدنيا ووسعها إلا انه احس انها ضايقه فيني
استغفر الله يارب يعني وش بنسوي ارسلت لهم الف مره ماحد رد علي
بس كلامه واضح في تويتر وما اظن فيه مجال للنقاش لان احدى الاخوات تناقشت معه ورد عليها بحده وتضايق
نصحوني وش اسوي ما ابي اختبارات مقالي محتاره وين ادخل مو جالسه افكر بنتيجة اختباري كثر ما افكر بتخصصي اللي توهقت فيه مع اني احبه إلا ان المقالي هو اللي كرهني فيه
وش الحل وكيف وضعنا حاليا نصحوني وش ادخل اي تخصص نفسيتي تعبانه ومو قادره افكر بشئ 
|