ملتقى طلاب وطالبات جامعة الملك فيصل,جامعة الدمام - عرض مشاركة واحدة - يوم من اللا مسؤوليه .. << حلطمه من نوع فاخر ..

يوما ما · #1 2014- 5- 27

يوم من اللا مسؤوليه .. <<< نوع فاخر من الحلطمه .

السلام عليكم ورحمة الله وبركاته ..

هذا الموضوع خاص لأصحاب المسؤوليات المكافحين ..

استثني منهم اللي يقرا اسئله الامتحان ويجي يمتحن ويحس نفسه تعب ..

طبعا الامتحانات بالنسبه لنا .. هي انك تراكم مسؤولياتك لين تخلص مختبر ويجي اخر يوم وفرحه الوناسه تخربها غصة المسؤوليات ..

بالنسبه لنا كرجال تتمثل في .. مقاضي .. بزارين يبغون يتمشون زوجتكك تبي السوق قبل زحمه العيد فواتير مأجله وبكرا تخلص اجازتك من الامتحانات وتبدا دوام

وبالنسبه لربات البيوت والمكس ربات بيوت و وبزنس ومن .. بيت مقلوب فوق تحت وبزارين متمردين لعدم التوجيه وزوج مطنقر مل من اكل المطاعم واحيانا الدوام يبدا بكرا ..

انا مشكلتي احس للحين محتاج احد يحتفل فيني اذا خلصت امتحاناتي ويحسسني اني انجزت .. حنيت لايام كانت اذا نجحت ما يردني الا محل الالعاب مع الوالد و نقي يا وليدي اللي تبي .. صاير اذا نجحت اخذ عيالي لمحل العاب وانقي لهم اللي ابي عشاني ناجح ..

اللي حنا قاعدين نسويه هو المعنى الحقيقي للكفاح ..

وميزة الكفاح ان الاراده فيه تكون قويه .. والدافع هو ذاتك .. لذاتك ..

اكثر شي يغبن الانسان .. انه يكون عارف ان عنده امكانيات عاليه .. لكن يفتقد لورقه مختومه تثبت وجود هالامكانيات .. و المشكله هالورقه احيانا تشهد لشخص خالي منها تماما << وهذا رزق ما اقول شي .. لكن عتبي على هالورقه اللي صارت مقياس لنا بغض النظر عن وش حنا فعلا ..

حنا بزمن شهادتك هي مقياس نبوغك ..
والا وش حدنا على المر

مالكم بالطويله انا 1-احتاج قسطا من الراحه .. وعجزت ارتاح
2-ودي ادخل على امي وابوي واناقز واقول نجحت .. واخاف يقولون انهبل ..

3-وودي اتخرج باسرع وقت .. بس ابي اعرف شعور اللي معه بكالوريوس واببروزها وابدا بالماجستير .. عشان اعرف شعور اللي معهم ماستر .. وهكذا لين اتشبع ورق وارضي غروري عن نفسي ..

وبس ..

دمتم بخير ..