حلوه الحلطمه من كل اللي ردوا ماشالله كثييير
يوم الاثنين أخذت نتايج بناتي الاثنين والله فرحت ناجحين بتفوق الله يفرح كل أم وأب في أولادهم تصدقون اتذكرت أمي كيف كانت تفرح لما آخذ نتيجتي زمان طبعاً حتى أنا متفوقه لما كانت الشهاده في المراتب العشرة الأوائل داااائماً أطلع منهم يحليلي كنت شاااطره
المهم مااتهنيت في هالشطاره بس اتزوجت اتكسلت وصرت ممتاز بعدين جيد جداً وعلقت فيها أليين اتخرجت من الثانوي وسجلت منتظمة في الدمام وحملت في الولد الثالث واعتذرت وبدايه السنه اللاحقه جاب لي زوجي شغاله ربي يوفقه وقعدت عندي يومين وبدءت تبببكي ماتبي تشتغل ولا تمسك البيبي وأنا متغربه عن أهلي 😖 استخرت وأجلت كمان سنه وخلالها سمعت عن التعليم عن بعد وقدمت فيه وأيامها طلع الملك في مجلس الشورى يصدر أوامره الملكيه والله كنت متحمسه على بالي بيسمح النساء بالقياده لو بضوابط. لكن كان أحلى حفوزي جانا وانصرف لي وكمان المكافأه حقت طلاب الانتظام كانت تنصرف لي وأنا قاعده في بيتي ( قولوا ماشالله) والمكافأه الدبل كمان نزلت لي 😇😇 والله كنت مريشه
المهم بعد اول سنه جامعيه عن بعد أجلت سنه كمان كنت حاسسه انه الدراسه عن بعد مااش وأنا قانصه أرامكو 😒 قرررت وعقدت العزم على التحويل الى محمد بن فهد والله انها جاااامعه شي رهيييييب 😭😭😭😭 بس مااش كمان مازبطت معايا الوالده المموله زعلت من عمتي وأكلتها أنا اتحطمت وصرت ابكي تحت الدش مثل الأفلام مصدقه عمري هههههه .
استعنت بالله واتوكلت عليه وفعلت حالتي الأكاديميه ورجعت للصفحات الالكترونيه معاكم
أما حفلتي ماشالله تبارك الرحمن زوجي مايقصر كل ترم آخر يوم اختبارات يجيب لي حلاوه مصاص الدائريه من اللي تنباع في أكشاك المولات 😋 ترى حلوه اللفته اللطيفه هذي
الحين أنا ماخذه الدراسه على اطار القدوه على قد ماأنا أدرس وأجتهد وأتعلم أطفالي بيقلدوني وفكره انه البنت تترك الزواج على الرف الين ماتخلص بكالوريوس والا تشتغل مو تمام في الأساس الزواج ستر وبركة للإثنين ولما بنحترم بعض بنتغاضى عن واجباتنا بشكل عفوي
ونحس ان فرحة شريكنا هي فرحتنا
أما عن بعد التخرج لسى باااقي سنتين اذا ربي يسرلي خطة أهدافي ومااتعرقلت بالطوارئ وخلاص شلت أرامكو من راسي اصلاً عادي مو لازم 😑 ( يحليل زوجي يبغاني أتخرج عشان أصير عضو هيئة تدريس في جامعة .... وهو أساساً مايبغاني أتوظف !!!! كيف تجي هذي ماأدري😕)
وداائماً فلنضع حديث الرسول ﷺ ( اعمل لدنياك كأنك تعيش أبدا واعمل لآخرتك كأنك تموت غدا) أو كما قال عليه الصلاة والسلام واحتساب النية في طلب العلم بيصير عصفورين بحجر حسنات وتعليم .