المشاركة الأصلية كتبت بواسطة conscious

والله انا لا محايد لانه الاذواق تختلف من شخص لاخر يعني المندوب ممكن يشوف مركز الاختبار مناسب وانا اشوفه غير مناسب احمد يحب يختبر بصاله كبيره وخالد يحب يختبر بفصل صغير وهلم جره

المشاركة الأصلية كتبت بواسطة شخص 101

احنا رايحين نختبر مش رايحين فندق

أهم شيء طاولة و كرسي، بحل و بطلع

نظافة؟ مش بيت ابوك هو و لا مكان شغلك، بتقعد ساعة و اطلع لا تعقدها

حمام؟ خلص قبل لا تجي، كأنهم راح يطلعونكم الحمام في وسط الاختبار

مواقف؟ امش انت وياه وجع، أنا العادة أوقف سيارتي بعيد عن المكان الي اقصده عشان امشي شويه و أحرك جسمي

بالأخير كل واحد يقول الحمد لله

موفقين

المشاركة الأصلية كتبت بواسطة اابوهديل

بالنسبة لمركز الاختبار ي مدينة عرعر ( طلاب )

المركز ممتاز بشكل عام

يوجد مواقف تتسع لعدد كبير من السيارات
المركز نظيف
التكييف ميه ميه لدرجه احيانا نطلب من المراقب يطفيه لشدة البرودة

طبعا هناك طاولتين كل واحده عليها ماء وشاي وحليب ونسكفيه للطلاب
وبامكانك تدخل القهوة والشاي داخل الاختبار وتختبر وانت تتقهوا ( فعلتها اكثر من مره .. خاصه اذا المادة سهله انواع الروقان )


بالنسبة للمراقبين انا لم اواجهة معهم اي مشاكل وهم متعاونين مع الطلاب


لذلك قيمتهم بالدرجة الكاملة في ايقونة التقييم




بالتوفيق للجميع

المشاركة الأصلية كتبت بواسطة صاحبة الفخامه

ههههه احنا حلوة المدرسه وكبيره بس لللاسف في استغلال

عندنا ناس فاتحين لهم بوفيه وبيع والمويا ام نص بريال والبيتزا الصغيره حجم الكف بخمسه ريال والكرسون

يعني نصب عيني عينك اي شي عندهم بخمسه ريال

الترم الي راح كان يحطوا مويا ببلاش الترم هذا جزر بفلوس

واذا انت جيعان كروسون وعصير ابو نص يبعونه بربعه ريال


افكر ليه البيع ولصالح مين واذا كان يترزقون يترزقوا يترزقوا بالعقل مو بالاستغلال

قسم انهم مستغلين وبقوه وياليتها كبيره


غير الله العالم عن النظافه لانه كله شغل بيت ورق عنب الحبه بخمسه وين احنا

المركز شمال الرياض متوسطة 113 بحي النزهه