ياصحبي ماعلى الدنيا حسافه
في ربيع العمر خذ مني نصيحه
يمكن إني جيت من باب اللقافه
واللقافه للبشر عيب وفضيحه
لكن الدعوى بسيطه والمسافه
أقرب من الدمع للعين الجريحه
والله إن قلبي مقر للنظافه
ومن تكلم في قفاي الله يبيحه
الكتاب يبين شرحه من غلافه
وما يعيش إلا من أخلاقه صريحه
الهوى في ذا الزمن كله سخافه
والنفوس بحبها صارت شحيه
والمذله فالهوى للعمر آفه
والجمل لا طاح يامكبر مطيحه
من يوقف في طريقك لالا تخافه
دوس قلبه وأبعد بأرض فسيحه
واحد شغلها مثل شغل الصحافه
لو يناح لآ تفكـــر في نبيحه
ولا تصدق واحدٍ هرجه خرافه
أكثر علوم البشر ما هي صحيحه