ملتقى طلاب وطالبات جامعة الملك فيصل,جامعة الدمام - عرض مشاركة واحدة

شخص 101 · 2014- 6- 1

اقتباس:

المشاركة الأصلية كتبت بواسطة حبروك

تصدق قريتها خياط بدل خطاط

وكتبت رد وش طوله عن محلات الخياطة ومسحته

اخوي عند محلات خياطة وعندي خلفية بسيطة عن هالمجال

اما الخطاط يا بعد روحي لا اعلم عنه واتوقع ان محلات الدعاية والاعلان غطت عليه الناس اللحين تدور الديجتال ورسم الكمبيوتر

حقيقة اذا مشيت بشارع قبل احصل 4 محلات خطاط والان نادراً ما اشوفها

اذا تبي نصيحتي المتواضعة يا اخي الكريم انصحك بمحل للدعاية والاعلان

ففي هذا المشروع مال وفير ولكن عيبه يحتاج الى ميزانية شوي عليه يعني اذا بتبدي بشي جامد وعليه الكلام تحتاج 200 الف ع الاقل وطبعاً تفرق التكلفة على حسب ايجارات المنطقة اللي انت فيها

فالايجار هو اللي ياكل نص راس المال اغلب الاحيان ولكنه مشروع واعد حسب ظني

ميزة محل الخطاط اللي ممكن تحمس ان الشخص يبدي فيه هو قله التكلفة من ايجار ومعدات ونحوة

يعني تاخذ محل اربعه في سته يوفي الغرض ويمكن ما تحتاج عمال وتقوم بالشغل بنفسك طبعا. كلامي مبني على انك محب وهاوي للرسم والخط وتشتغل بيدك

اذا الفكرة داخله راسك ومقتنع فيها من كل النواحي ابدأ بداية بسيطة ولكن مو بسيطة لدرجه ان يصير محلك ابو كلب(محشوم) يعني بدايه مقبولة وجرب حضك

ميزة المشروعات الصغيرة اللي مثل هذي انها تتحمل المخاطرة العالية لان راس المال بيكون صغير فبالتالي المغامرة بتكون نوعا ما سهله

ووكلامي عن تكلفة محل الخطاط بنيته ع اعتقادي القديم بتجهيزات المحل ومستلزماته اذا استجد شيء اخر لا اعلم عنه وانت اخبر مني بهالشي

الله يوفقك يا صديقي وفالك النجاح

ههههههههه حلوه هذي بو كلب

لا يا عزيزي مش الخطاط الي ببالك هذا، الخطاط الي أتكلم عنه أنا أحين يادوب يلحق على 200 ألف الي مجهزها له و كأنك تدري أنا حاط 200 ألف بالضبط له و أحس على الحفه

و بالنسبة للدعاية و الإعلان هي ما تفرق كثير عن محلات الخطاطين، الأكثر بالدعاية و الإعلان هو يهتمون بالنشر و مناقصات و إعلان بالصحف و المجلات و الخ

و رأيت أني أبدأ دعاية و إعلان بدون خبرة شيء صعب، يعني الخطاط فيه مليون شغله و شغله أقدر أسويها فيه مش أي كلام و أي شيء

لوحات خارجية:
لوحات فلكس للمحلات.
لوحات بحروف مضيئة داخل الأحرف بارزه للشارع.
لوحات بحروف مضيئة وراء الأحرف.
لوحات بحروف نيون بالكامل.
لوحات إرشادية \ تحذيرية \ خرائط.
لوحات ضمن إطار المحل دعائية.
لوحات زجاجية صغيرة تعليق.

لوحات داخلية:
لوحات بحروف ملصوقة على الجدران.
خلفية كاملة ملصوقة بالجدران.
لوحات ضخمة \ صغيرة ضمن إطار جذاب فيها صور.
لوحات أبواب و دورات مياه و خروج \ دخول.
لوحات صبورة و فلين لتعليق الأوراق.
لوحات نقاط البيع للإعلانات في المحل.

بنرات خارجية:
بنرات تعليق بمحاذاة الجدران.
بنرات تعليق وسط المحل.
بنرات معلقة من فوق المبنى.
بنرات للصق على جدران المحلات.

بنرات داخلية:
لوحات بنر قابله للفتح و الإخفاء.
لوحات بنر ذات الأذرع الأربعة.
بنر بوب آب 3*3.
البطاقات و البروشورات:
بطاقات شخصية \ مؤسسات \ شركات
بطاقات
بروشورات دعاية \ إعلان \ نصائح \ توعية \ تعليمات.

دروع و أختام:
دروع تذكارية أحجام و أشكال.
أختام شخصية \ مؤسسات \ شركات.
ميداليات مختومة.
أوسمة صغيرة لشعارات مؤسسات \ شركات \ لوجو مؤسسة إلخ.

أعمال لوحيه:
قصص لوحيه خشبية \ورق مقوى.
ألواح خشبية ثلاثية الأبعاد بتصميم جميل.
تغليف اللوائح.

لاصقات:
لاصقات أرقام \حروف \أشكال على الملابس.
لاصقات على الأرض أو الجدران إرشادية.
لاصقات شعارات \سيارات \حقائب و إلخ.

أعمال على الزجاج:
تظليل الزجاج.
ملصقات دعائية على الزجاج بألوان جذابة.
تضليل الزجاج مع نقوش و حفر بالتضليله.
تضليل الزجاج كامل و ترك شعارات و حفر خفيفة.

هذا طبعاً تقريباً 70% من الي يقدر يسويه محل الخطاط و فيه أكثر، كل ما حصلت شغله جديده سجلتها انا عندي غير عندك طلبات المدارس و المؤسسات و الشركات لتركيب اللوح و الأرقام و الافتات و الخ واجد قلق، محل الخطاط هذا أكبر مصيبة فيه يبغال الطابعه عرض 3 متر حق اللوحات هذي أسعارها تبدأ بالـ 50 ألف خخخ غير المحل أنا أحين حاجزه كبير ما شاء الله 8*32 دورين مع سكن العمال أجاره يمكن 80 ألف أو أقل و يبغالك سيارة و أقل شيء 6 عمال و و و و و و

هذا الخطاط الي أتكلم عنه، تقريباً دعاية و إعلان