|
رد: الدافع لإختيار التخصص..ما هو؟
اقتباس:
المشاركة الأصلية كتبت بواسطة حلمي اصير انسان
انت حسوووود تتجاهل اسئلتي وترد عليهم
انت وموضوعك الفاااشل
|
هههههههههههه
رغم الإهانه لكن شنو نسوي، الله يسامحك و بالنسبة لاستفسارك
لا تدخل اذا انت خايف من الرياضيات، أنا من قبل كنت أدرس ادارة في كلية الشريعة و نجحت بكل المواد الا ثنتين قعدو في حلجي، الرياضيات و الإحصاء و لا حد نبهني على هالشيء و خاصة أنا أدبي بعد و كنت منتظم و الله جبت العيد فيهم لأني ما اشتهيهم و لا اداني الرياضيات
اقتباس:
معلومات شامله ومفيدة اشكرك عليها
بدأت أعجب بالمشروع حقيقة وبحاول يوما ما اخذ لفه على المحلات اللي عندنا اشيك الوضع كيف
رغم انه يحتاج راس مال كبير كما تفضلت ولكن ما يمنع ناخذ فكرة تتبلور عند الحصول على المال
عاد لا تنسى تذكر لنا تجاربك هنا او في مكان تعلمنا عنه
واياك حبيب البي
|
هو صراحة مشروع جبار و لو كلامي غلط بعطيك دليل، ادخل اي محل من محلات الخطاطين او الاعلان و قولهم اي شي تبيه، ما يسونه لك ع طول دائماً يكون عندهم شغل و مشغولين بشغله
خاصة المشروع هذا أنا بسوق له بنفسي و أنا مديره و أغلب الي يشتغلون بهالنشاط هم الأجانب فـ لما يزور الشركات و المؤسسات واحد سعودي و هو صاحب المحل بنفسه يسوق لبضاعته و المنتجات و الخ راح يقبلون فيه أكثر...
أنا لي قصة حلوة بهالموضوع صراحة و قلت بقولها لك شكلك تحب القصص، قبل لا أعتمد المشروع كنت أفكر فيه و عجبني، فـ لما رحت أتعلم عنه و أخذ المعلومات بهالمجال كنت أروح للمحلات الخطاطين و الدعايه و الاعلان و أقولهم بالحرف الواحد "أنا حاب أفتح مشروع مثل هذا، هل تقدر تساعدني و تتجاوب وياي و تعلمني و لا لا؟" بكل بلاطة و صراحة ماعندي لف و دوران لأني ما اشتهي حركة أجي المحل و اسئلة عن الاسعار و الخ أطلع المعلومات بشكل غير مباشر أحسها حركة مالها داعي غير انها كذب لأنك داخل على انك زبون
يمكن ردوني 10 محلات، أول ما تدخل ورود و ترحيب و اهلا و سهلا من تقوله انا ابي افتح محل مثلك يكشر بوجهه و يعبس و استغفر الله...
ع العموم لين ما طحت ع محل هندي فيه شايب، محله صغير و ع قده قعدت اسولف وياه ساعتين و ما بقا شيء ما قاله لي، بالأخير قعدت معاه مدة قلت له طيب خذ 100 ريال لأنك ساعدتني بهالمعلومات و الله العظيم للحين أتذكر كلامه... رد المية ريال لي و قال "لالالا... حب لأخيك المسلم ما تحبه لنفسك" ما عمري في حياتي حد قالي هالكلام و هذا صدمني صراحة، يقول انت هنا أخوي و اي شيء تبغاه راح اقولك عليه و أساعدك فيه عادي، طلع الشايب له 30 سنة في هالمجال و يدير 6 محلات خطاطين و هذا الي هو فيه واحد عادي بس متخصص بشغله صغيره
فـ سبحان الله =)
موفقين
|