اسفه على التأخير بس ان شاء الله بعد الاختبارات اكون متواجده على طول و ماتأخر بشيء،،
"تجربتي بالتسجيل بكلية الغد "
طبعاً قبل كل شيء اشكر اخوي "
انسان انا" لانه كان متواجد على طول و يرد على استفساراتنا و استفدت كثير من توجيهاته لنا ، فـ شكرًا لك
بالبداية انا رحت استفسرت عن التسجيل بالكليه قبل موعد التسجيل عرفت الاوراق المطلوبه و كل شيء طبعًا اخذت بنصيحة الاخ انسان انا لان قال نروح و نترك ارقامنا و هم يتواصلون معانا اول مايبدأ التسجيل
و فعلاً رحت و تركت رقمي و كان فيه كذا بنت بعد و يوم بدأ التسجيل اتصلوا علي ورحت لهم عطوني ورقة الشروط و الاوراق المطلوبة و عطوني الفحص و قالوا لي سوية بعدين اذا طلع جيبيه مع ورقة اثبات الحالة بما اني مقدمة على منحة الصندوق الخيري .
فعلاً رحت و سويت الفحص و بعد اسبوع او اسبوعين تقريباً طلع وديت لهم شهادتي الاصل و كل شيء مطلوب و انصدمت انهم على طول قالوا لي مقابلة.
ماكنت مستعده نفسياً ابد و كنت سهرانة 'بالعربي رايحة و انا مفهيه و فيني نوم' بس كانت المقابلة حلوه و كانها سوالف بالبداية كنت متوتره بس صار الوضع عادي .
بعدين جتنا فترة انتظار نتايج القبولو هي اصعب فتره مرت علينا كانت النفسيه معدووومه و خايفين لان تاخروا و كنا نسمع اخبار ان فيه ناس انرفضوا و هذا الشيء كان يوترنا زياده ، طلعت نتايج القبول بعد بدأ الدراسة يوم الثلاثاء ، بصراحة كان يوم عيد بالنسبه لنا لان كان شعور لا يوصف .
يوم طلعت النتايج رحنا شفنا اسمائنا معلقه و طلبوا مننا نسوي ورقة ابراء ذمه ناخذها من المحاسبه و نسوي الجداول طبعاً الجداول حسب الكلاس اللي حاطينك فيه هو جاهز بس تروحين للمرشده الاكاديميه و تسجله لك و بعدها رحنا استلمنا السكرابز و الاب كوت من الشؤون .. وبعدها باسبوع بدينا بالدراسة .
نصايح /
اولاً كونوا طويلين بال ولا تتوترون لان ربي بيسر لكم كل شيء.
ثانياً كونوا صادقين بالمقابلة لا تدعون المثالية او تقولون شيء مو فيكم .
ثالثاً كل اللي انرفضوا كان عندهم نقص بالاوراق تقريباً فـ خلوا اوراقكم كاملة .
رابعاً لا تنتظرون الكليه تدق و تقولكم انكم مقبولين روحوا و استفسروا بانفسكم .
خامساً بتواجهون بعض المشاكل من حيث اللغه و الى اخره بس تاكدوا بعد فتره بسيطه بتتأقلمون .
اخيرًا اتمنى للجميع التوفيق / و إن شاء الله تكونون معانا السنة الجايه .