2014- 6- 2
|
 |
متميزة بالخيمة الرمضانية
|
|
|
|
كل مايطرى علي هل دمعي بــ عجله
يقول :/ لــآ جيت آغني ويش آغني ويش آقول
أسأل ولــآ ادري عن جميع الطرآيـــق !!
ياوجودي كان يبري من العله وجود
وجد من شاف المذله لــ أجل لقمة هله
,’
إن رضى بالذل بيموت من سم الكبود
وإن تعزز ..حده الوقت ..لين يجندله
,’
وياوجودي جعل ليل المفارق مايعود
كل مايطرى علي هل دمعي بــ عجله
,’
كنت أقول الحلم له مسئلة وقت وحدود
لين ضاع الوقت والحلم عييت أوصله
,’
ويش اسوي ياهل العرف والـأيام سود
كل ماودعت حزني يجي وأستقبله
,’
مايهدي ضيق صدري ليمن ضاق كود
لــا قريت الحمد من بعد ذكر البسمله
,’
جعلني ماأشوف مااكره ولــا اخاوي جحود
وجعلني ماأعالج المشكله بــ المشكله
,’
أتصبر يمكن الصبر في تاليه فود
والخطاوي مجنبه والمشاعر مشمله
,’
أثر راعي الحب مثل المكبل بالقيود
بين خلق الله وكن اليدين مكبله
,’
بين رايات الهزيمه ورايات الصمود
وبين هقواته وعقله وطيشه واجهله
,’
يامعودني على البعد مافي البعد زود
جنب الدكتور رح للمجرب وأسئله
,’
يكفي اني كل ماطروك فيضت العدود
وأنت لــاهالحين ماتدري ...ان لك منزله !!
,’
لاتظاهر بالبراءه.. وطعناتك ..شهود
كل طعنه منك تاخذ مسار الـأوله
,’
كن عيونك ساحة قتال ورموشك جنود
وكني اللي جاء بكيفه يدور مقتله
,’
من غلاك احتاج سعرات تحريك الركود
مثل تحريك المشاعر بعطر المذهله
,’
اجمع إحساسك غلــا وانثره مثل لورود
ولك علي أشرع القلب حتى تدخله
,’
لــا تخاف من التلاقي ولــآتنسى الوعود
وأي حاجز يمنع الوصل قدامك شله
,’
وكان قصدك جرحياللي مضى فرقى سنود
أذكر اني حزت الجرح قلت لك أزهله
,’
أنت فيك أشياء واجد تخليك محسود
فوق زينك فيك شيمه وقيمه وقبله
,’
جعلني مااذوق حزنك وجعلك فالوجود
لــا تعودني على..البعدويموت الوله
,’
الوصال الستر والبعد بياح السدود
وكل يوم يمرمن دون وصلك ما أطوله
,’
كل شي يهون غير التجاهل والصدود
ماقبله من غيرك شلون منك أقبله
,’
لــا تجاهلني وأنا من عريبين الجدود
كان عندك شي لــا تستحي مني قله
,’
ماتناسينا الخطايا مواثيق العهود
الوفــا منا وفينا وحنــا من هـــله
لــ الشاعر / سالم بن جخير العجمي 
|