كيف ترفض حناني.كيف ترفض عطاي
انت واحـد حياته...عاشها..منطـوي
قلت لحظه دقيقه...كان هذا خطـاي
ياهلآبـه خطايه...ياهلابـه .. خــوي
الخطـا ..صدقيني...لـو بقيتـي معـاي
واتِضَح لي خطايه...يوم قلبـك غـوي
كنت ميْت مشاعر...مارويتـي ظمـاي
وللأسف من حنانك.ما رضيت ارتوي
ويا أميره ..وحـرفـي...اقبلـي بـه عـزاي
وعالمك هذا كله..ينطـوي لـي..طـوي
واعترف في رصيدك...ما أحصّل عَشَآي
وفــي رصيد الكرامه... مليونيـر غنـوي
واعترف من عِنادي..كم تــَحيّر عِـدآي
كم مشيت الليالي ..والذيـاب تعـوي
البداوه...رجـولـــه... والـمـكـارِم هـــواي
وامتِهِن ألف لحيه...لـ اجـْل خاطر خوي
احتـرم جـار بـيــتـــي.. واحتـويـــه بغـلاي
لو لوى عقال راسي..وسط حلقي لوي
واتكيت الحضاره....دار فيهـا رَحـاي
الهزيل أستـِـذمِــّــه...وآخـذ اللـّي قـوي
والعذر يـا اميره...خـان طيبـي رداي
ما أذم الحضاره... ولا اقـول قـروي
والله انـي رفيـع ... وعـالـيٍ مسـتـواي
وكل حرفٍ كتبته..تِـكـتوي بـه كـوي
بس يكفي رفضْتِك..يكفي إنـك وراي
ويكفي اللي تِكَبـّر..عن هـواك بـدوي