المشاركة الأصلية كتبت بواسطة حبروك

بلا شك تستحقين يا اختي الفاضله حلم

انتي فاضيه اللحين والا مشغولة ..؟

اذا كنت فاضي جيبي الشاهي والفصفص وتعالي بسرعة بقولك سالفة عن ام سليمان ،،،


ام سليمان هذي جارتنا من زمان بيتها قبال بيتنا عجوز بالسبعين زوجها متوفي وعيالها برى المدينه وهي لحالها ببيتها هي وخدمتها

هالمخلوق العجيب المتمثل بصورة انسان ماله شغله الا انا ..وين رحت وين جيت ووش لابس ومن اللي جاني ومن اللي تكلمت معه ووووو

كل مغرب تجي عند امي ولا تقول عني الا ورعيتس حبروك وتبدأ بنشر التساؤلات عني لامي

ورعيتس اليوم الصبح اشوفه حاطن الشماغ ع متنه ويدرج حول سيارته ووش عنده؟!

ورعيتس حبروك اشوفه الضحوية فاتح كبوت السيارة هو وش عنده ..؟

ورعيتس حبروك العصاري لمحته بالبقاله يشتري ولاعه هو يتتن يا كافي..؟!


ورعيتس اليوم اشوفه عاقطن بومبته بسروال ضيق هو وراه تسذا؟!


ورعيتس حبروك اشوفه مطلزن لحيته هو تطوع ولا يورالي ..؟!


اه اه اه منك يا ام سليمان


عاد اليوم الصبح اشوف فيلم وثائقي عن الجرائم كان يتحدث عن شخص قتل زوجته ثم قطع اطرافها ورأسها وشواها ع الفحم ليتحلل الحمض النووي ثم رماها بصندوق القمامه


وش رايك هالسيناريو ينفع مع ام سليمان