لاشفت ناسٍ باللقاء يمدحونك
أعرف ترى هرج القفا مايسليك
من يمدحك قدام علينك يخونك
ومن يمدحك بقفاك بالقلب شاريك
أحرص على اللي ضاق صدره بدونك
وأترى صديقٍ بالسعه دوم باغيك
بعض الصداقه للمصالح بيونك
وأليا خذا المطلوب ماعاد يبغيك
عليك في ربع السعد ينفعونك
لو واحدٍ منهم عن الناس يغنيك
لاصحت ضايقٍ رددو لك ياعونك
ولا غبت عنهم أرسلوا من يناديك
يرتاح لاشاف الفرح في عيونك
ويضيق لاشاف الحزن في حكاويك
أحدٍ على سر الصداقه يصونك
وأحدٍ على سر الصداقه حكى فيك
ربع الرخا لاضقت صعبه يجونك
وربع الشدايد واحدٍ بس يكفيك