مثقل .. و أنا ما أشيل غير الشوق ومحاتى الضنين
................................ ساكن .. و لكن ما سكنت إلا تفاصيل الأرق
وهذا العتيم الشاسع أعياني و أنا وسطه سجين
.......................... متى على الله يشرق بليلي .. و أقول أنه شرق
مليت من طول الوعد و الحزن و الهجر المتين
....................... مسروق والطٌهر أنسرق.. والسارق أظنّـه سرق
يارب لو عالصبر طاقه كنت أيوب الحزين
.................................يارب لو للشعر فاقه كان باح بيَ الورق
شذّ الكلام و ما بقى يا كود آهات و أنين
......................... و فقدت حتى سطوتي ياحرف وإحساسي فرق
و الكلمه اللي ماقدرت أقولها و أنا لسين
.............................اليوم حتى الشعر فيها يا بقايا أمسي شرق
الصمت خيّم .. ياحفيف الأشرعه و أنا حزين
.....................و المركب اللي راح .. راح و ما بقى غير الغرق
و الطفله اللي غادرت مرساي باكرها يحين
............................و إلا الدموع فلا تجود بها ليا قالوا أحترق
هناك كان البعد له رجفه .. تطول بها السنين