طالبك تسكت ولا تنشد ياحبنيلك
ماودي يزعل كلامي واحدٍ غالي ..
مالقلب طيب ولا بالي بعد مرتاح
و الخوف أجمع غثا الأول على التالي ..
ياما وياما تركز بالضلوع رماح
لكن رمح الرفاقه يزيد غربالي ..
مابين هرج الشماته وضحكة المزاح
شعره بسيطه وان مالي على فالي ..
وحده بوحده وتصبح هالقلوب صحاح
لو كان طبعي أبعد ماكان ذا حالي
ولو اني من الي يناطح بالصياح صياح
ماكان تعبت ركابي في وقف حالي ..
الله وكيلك ياحبنيلك وش بقى ماطاح
الله يعوض جهودي والله الوالي ..
واسمع عزايا في ذيب عواه نباح
بيت وحطه مع تصنيف الأمثالي ..
الحر دايم تغشه ريشة الملواح
لكن يبقى عزيز و منزله عالي..
خلني بفضفض بشعري كني المرتاح
بكتبه مره بعقل وأحيان بهبالي ..
بعسف مهار القصايد وارتشفه قراح
وياكثر ناس هوت قافي و موالي ..
بنيت نفسي بنفسي والتحفت وشاح
واخترت أنا في رفيع المجد منزالي ..
والحاسد الي بقاني مامعاه سلاح
ياكود هرج القفيا و جوفه الخالي ..
طالبك رح له ورجه لي ياحبنيلك
لا يحدني وألقب الأول على التالي