ودي بوصلك ياعسى الوصل مسموح
ما عدت اقوى كتم الاسرار ياصاح
جفني جفاه النوم والصوت مبحوح
والفكر في حظرة معاليك سواح
كثر السهر والنوح ما ضمد اجروح
قلبٍ تعنى كله احزان واجراح
يابنت انالك دفتر اشعار مفتوح
نظم القوافي مالنا غيره اسلاح
اوله انت وآخره واوسط البوح
بشواق قلبي حبر الاقلام لك ساح
امشي وجامل بعض الاصحاب بمزوح
اخشى يبين العشق والعشق فضاح
زولك في عيني يالغلا وين ما اروح
اقلق منامي ما تلذذت بمراح
يابنت مالي في هوى الغير مصلوح
والدمع لولا صدق الاحساس ما طاح
لا تتركين القلب للهم مطروح
فيك الامل ياسلوة الروح ماراح ..؟