اخوي ابو فيصل ولايهون ابو راكان وجميع من وضع رد في الموضوع هذا
بالنسبه لي اخذت 75 درجه والحمد لله مع اني توقعت اقل شي 85
الماده سهله جدا لكن الدوغان عسرها الله يعسر عليه في الدنيا والاخره
هذا اكيد مريض مازوخي وفيه عقدة نقص من الدرجه الثالثه تابعت برامج كثير عن مصاصين الدماء والمجرمين وسلوكهم النفسي لاحظت اغلبه ينطبق على الدوغان الله يبلاه في نفسه ويشغله زي ماسبب لنا ارهاق نفسي وجسدي
للأمانه انا ما اذكر حلي زين ولا اعرف كيف بكتب الاعتراض بالضبط
ياليت الاخوان هنا ابو راكان وابو فيصل يتكفلون بالموضوع شامل وانا معكم
الى الحين ارسلت اعتراضين على الاحصاء والاساليب الكميه لأني ناقص بدرجات المشاركه كلهم حاطين 28 مع ان الخارطه الاكاديميه كلها كامله فيها وفي ورقه مسجلها عندي بعد
حسبي الله على قسم التطوير والدعم الفني في الجامعه اتوقع السبب منهم كل شوي تحديث لين ضاعت حقوقنا ودرجاتنا
واظن ان التصحيح فيه اخطاء كثيرررررررررررررررررره
استغرب اللي حاطين انهم حصلو على 90 درجه واكثر وينهم ماشفنا لهم ردود في الموضوع ؟
اتوقع بس الدعوى خالف تعرف ومو معقول 20 بالميه من اللي شاركو بالتصويت راسبين
هذا غير اللي في المنتديات الثانيه وغير اللي ماهم مشاركين بالمنتديات
يعني لو حصرناهم راح يطلع عدد مو معقوووووول ابدا
هل الجامعه مشتركه في مسابقة تحدي بعدد الراسبين ؟؟
وهل تطمح الجامعه لتعقيد التعليم فيها وصعوبة الحصول على الشهاده ؟؟
اذا كان الهدف جودة مخرجات التعليم من باب اولى تجديد شامل للمحتوى وتجديد محاضرات بعض المواد اللي من 2009 بعضها مسجله وبعضها 2010
هذا غير ضعف الصوت وضعف الاخراج وضعف توصيل المعلومه وعدم اختلاف مايقوله المحاضر عن الشرائح
نطالب الجامعه بإبعاد مذيعين الاخبار عن التعليم ( وش فايدة يقرأ من الشرايح ويضيع وقتي معه )
اذا ماعنده سالفه مفيده ومعلومات اضافيه وشرح يستفاد منه الافضل انهم مايتعبون نفسهم بتسجيل محاضرات ابدا