رد: الإستفادة من المقررات الماضية
مميز كـ عادتك اخوي
انا الحين خلصت المستوى الاول و الثاني و لله الحمد
السمستر الاول درست فيه 6 مواد
اللي هي مصطلحات طبيه - كيمياء - احياء - عرب - سلم - انجليزي
المصطلحات الطبيه : كان عندي خوف منها بشكل مو طبيعي كان شغلي الشاغل اني ما احمل هالماده و غير كذا كلام البنات عن الماده خلاني اخاف منها ..الماده تحتاج فهم و حفظ و مذاكره اول باول عشان تسهل عليك بالاخير .
الكيمياء : من اسهل المواد اللي مرت علي بالسنه التحضيريه هي نفس اللي اخذناه بالثانوي بس انه بالانجليزي ، درستني الماده رئيسة السنه التحضيريه و كانت مره حبوبه و اسالتها جددداً سهله .
احياء : درست فيها عن جسم الانسان و الاجهزه و الهرمونات و الدم ،، اشياء مره حلوه بس اللي كان مخوفني من هالماده انها تفتح لي مواد بالتخصص فـ كنت حريصه على اني ما احملها .
عرب : ماده سهله سهله سهله سهله كانت كلها نحو و اشياء عارفينها من قبل و هي تعتبر من مواد رفع المعدل يعني عيب ان الواحد ماياخذ فيها A+ .
سلم : اخذنا عن الاخلاق في الاسلام و مواضيع كثيره حلوه و نفس الشيء هي ماده رفع معدل .
الانجليزي : السمستر الاول درست كتابين ، توب نوتش كان مره جميل و سهل و انجليزي عام ،، الكتاب الثاني نيرسنق ون كان حلو و سهل بس بعد ماتتهاون فيه لانه اغلبه اشياء جديده .
السمستر الثاني نفس الشيء درست 6 مواد بس كان اسهل من الاول لان عدد الساعات اقل بكثير
اخذت فيزياء - احصاء حيوي - مهارات اتصال - كمبيوتر - عرب - انجليزي
الفيزياء : ماده حلوه بس مو مره تقريباً كانت زي مواضيع الثانوي ،، الحلو فيها ان كل محاضره ناخذ موضوع جديد مافيه شيء مرتبط بشيء يعني لازم تهتم بالماده و تذاكر اول باول لان لو اخذت المحاضره اللي بعدها بتكثر عليك المواضيع و مارح تفهم .
الاحصاء الحيوي : موضوعاته كانت سهله و حلوه بس العيب ان الدكتور كان يشرح لنا عن طريق النت فـ كان الاتصال مو جيد ابددد ،، نهاية السمستر يوم ذاكرنا للفاينل كانت الماده حلوووووه مره و الحمدلله جبنا فيها معدلات حلوه .
مهارات الاتصال : ماده حلوه و سهله بس عيبها انها حفظ و التعداد فيها واجد و طبعاً انا ماحب الحفظ ،، فانصح للي مثلي مايحبون الحفظ يذاكرونها اول باول و يتقهون و يحلون فيها .
الكمبيوتر : بصراحه هي نفس العربي رفع معدل كل اللي اخذناه فيها البوربوينت و الورد و الاكسل ،، و كل هذه اشياء سهله جداً .
العرب : كان بالسمستر الثاني احلى و اسهل بكثير من السمستر الاول ،، كان فيه تنوع بالمواضيع اخذنا من الاملاء و التعبير اخذنا عن تاريخ اللغه العربيه و كيف عرف الانسان اللغه ،، مواضيع جميل جداً .
الانجليزي : بالسمستر الثاني كملنا على كتاب نيرسنق ون و اخذنا كتاب نيرسنق تو ،، كتابين حلوه سهله بس صعبه بنفس الوقت كلها اشياء طبيه ،، لازم تهتم و تذاكر اول باول ،، الكتابين هذه احس انها كتب معلومات .. نصيحة لا ترمونه لانكم بتستفيدون منه مره ثانية .
|