|
رد: اي واحد من ادارة اعمال يدخل ..
الفشل أول خطوات النجاح وأنا اختك
في حال انك رجعت توقف على رجولك مو تستسلم مثل حالتك الآن
اول شيء لاتأخذ مواد كثيره .. بالكثير 6
لكن حالياً خلك على 5 عشان ترجع تتحمس وتركز
الثلاث الأترام الأولى اخذت 5 مواد والترم الرابع جربت 6 اختبر نفسي يوم مشيت كملت على 6 مواد
ثانياً لاتقرر وش المواد اللي بتأخذها إلا من خلال جدول الإختبارات
لاتحط يومين ورى بعض ولا مادتين في يوم .. لأن بيني وبينك مهما تقول بذاكر من أول الترم ماراح تذاكر 
ثالث شيء ذاكر بذكاء
يعني قبل الإختبار بكم يوم عش وكل واشرب ونم في المنتدى 
اعرف وش يقولون عن اسلوب الدكتور وعن أفضل ملخص + اسئلة الدكتور السابقة
وفي اسئلته السابقه شيئين مهمه:
1- أعرف وش أكثر جواب يركز عليه (جميع ماذكر) أو ( أ و ب ) عشان إذا جاك سؤال ماتعرفه تستفيد من هالحركه وتحل كم سؤال تضمنهم بإذن الله.
2- وحاول تعرف كل محاضره كم سؤال جاب منها لأن بعض المحاضرات مهمه جداً يكون جايب منها 8 اسئلة وهكذا.
رابع شيء .. نصيحه نصيحه نصيحه اي مادة سمعت عنها أنها صعبه أو دكتورها غثيث لاتأجلها عشان هالسبب
بتجلس على قلبك هم لين تأخذها.
أنا عني كل ماده سمعت منها شكوى نزلتها على طول عشان افتك منها والحمدلله كانت خيره لأن الدكتور غالباً يعوض الدفعه الثانيه ولو ماعوض لاسمح الله عالأقل انت عارف اسلوبه بدال مايجي دكتور جديد تتورط فيه.
خامس شيء لاتأخذ أكثر من مادتين فيها ارقام يعني إذا خذت محاسبة ورياضيات كفايه لأن مخك بينلحس غالباً 
هذا اللي قدرت اذكره من تجربتي للآن يمكن تفيدك ويمكن لا
الله يوفقك
|