|
رد: انبض يا .. { قـلب♥ } .. مردك يوم ~>> بتوقف .. !!
يقول الشاعر /
ياقبر قلي عن زمــــان اﻻقامـــــة
كم عام يقدر ينتقل منـك راعـــــيك
ودي توضح لي شروط السﻼمـــه
من ضمتك من ظلمتـــك من بﻼويك
رد القبر /
ياذيب من ينشد يثمـــن كﻼمـــــه
راجع خطياتك وراجع حسانيـــك
تبقى بجوفي لين يــوم القيـــــامه
محدن يجي عندك وﻻ يتصل فيك
رد الشاعر /
وان كانت اﻻعمال خامه وخامـــه
منها ذهب صافي ومنها سراميك
ممكن تفيد المعـــــذره والنـــــدامه
بعد نزولي بالكفن في ضواحيــك
رد القبر /
فوقك ليا جات النصايب عﻼمـــه
ثنتين توضع عند راسك ورجليك
ماعاد ينفعـك العتــب والمﻼمـــــه
من حين روحك ترتفع عند باريك
رد الشاعر/
ياقبر ما دورت منــك الكرامـــه
ارجو عفو ربي وﻻني براجيك
اللي بديه اﻻمر ماسك زمامــه
رب الملوك ورب كـل المماليـــــك
رد القبر/
ياذيب في هذا التحدي غشامــه
بﻼ عمل ماهو مناسب تحديـــــك
اوصيك عهد الله صون التـــزامه
مني ومن بعدي من النار ينجيك
رد الشاعر/
ياقبر زودت المخـــاوف جسامـــــه
زدني نصايح نافعه قبل ما جيـــك
اخاف اجي لك فوق ظهري غرامه
وتسديدها ما يقبل الدفع بالشــيك
رد القبر /
اقرأ كتاب الله وافهــــم نظامـــــه
وتلقى الذي يعني لغيرك ويعنيـــك
واختار ما يعنيك وامسك خطامـــه
ما دمت حي خطام اﻻعمال بيديك...
تستحق التأمل والوقوف عندها طويﻼً.. 
-̶-̶-̶-̶-̶-̶-̶-̶-̶-̶
|