انا لاقلت لي شلونك وانـا ضايـــــــق اقـول بخيـر
مدامك سائـلٍ عنـي اكيـد ان ضيقـــــــــتـي راحـت
انا من كثر ماحبك اشوفـك فـي عيونـــــــي غيـر
تضيق النفس من غيرك ولامن شفتـك ارتاحـت
احبك كثر ماتطـري فبالـي وتشغـــــــل التفكيـر
كثر ماشيلـك بعينـي ونـاسٍ منهـــــــــا طاحـت
احبك كثر ما ادمح خطــــاك ان خانـك التعبيـر
كثر ماخانت الرفقه بكتـم اسرارهــــا وباحـت
احبك كثـر صقـارٍ تولـع فـي محبــــــــــــة طيـر
كثر مادلـة الطيّـب بريحـة هيلــــــــهـا فاحـت
احبك كثر ماحس بشعور انــــــي عليـك اغيـر
كثر مازيح هالغيره عن افكــــاري ولا انزاحـت
احبك كثر مالك داخلـي حـب وغـلا وتقديــــــــر
كثر ماغبت عن عيني ودموع امفارقك ساحـت
تصدق !! من عرفتك صرت احبك واكره التغيير
وانا اللي كنت اعشق كل نجمـه بالسمــــــا لاحـت
تأكد كـل ماتسئـل عـن حوالـي اكـــــــــون بخيـر
مدامك سائـلٍ عنـي اكيـد ان ضيقتــــــــي راحـت