2014- 6- 16
|
 |
متميزة في علم الاجتماع مستوى 8
|
|
|
|
|
{ السُكٌوُتْ أجْمَلْ وَيَالَبَىَ السُكٌوُتْ }
،
تدري كيف القلب ياخِلّي يُضام
والمشــاعر تندِثِر فيـه وتموت ؟!
لمّـا يتزاحَـــم بـ أورِدْتـــه كـــلام
وبالنهايــ ينتِصِر فيـه (السكوت)
من يلومـه لو نوى الليلـه صـيـــام
واستكانت نبضتـه من غير صوت ؟
منهو يتجرّأ ويــسـقــيـه المـــلام
لو نبَت في تربتـه كم غِصن توت ؟
من نشَدني الحال , جاوبتـه تمام
وان مشى ردّيت أتمتم في خفوت
لا وربي (الحــال) مايل والسلام
والصَبِر ماعـــــاد للخفاق / قوت
لو بنيت ,, أدري بـ أتراكم حُطــام
وان كِتَبت الشعـر / كسّـرت البيوت
لو نِسَجت أحلام في رُكن الغرام
تصبِح أوهَن من بيوت العنكبوت
ميّت(ن) يـــــاهيـه , لاترجي القِـيـام
الشتا ماعـــــاد تلْجِـمْـه البشوت !
لاتشيل الـ هَـم يــــاقـلبي ونــام
البَـحَـر ماشال همّـه (صدْر حوت)
نام ياجرحٍ عَجَــز عَـنْـه الكلام
السكوت أجمَل ويالبى السكوت
،
|