|
الدمـع ذوّب كبريـائك وقفـّـاااا !
يا ورد لا تلعب بك الريح يا ورد ... وانا عروقي لك مراسي ومرفا
مادمت في قلبي وتشكي من البرد ... شب الضلوع اللي بصدري .. وتدفا
في داخلي عالم..ومملوك من فرد ... وانا بمنفى وانت عني بمنفى
تسرد لي عيونك سبب حزنها سرد ... والدمع ذوّب كبريائك وقفّـا
والحزن صعب ويرفض الموت والطرد ... واذا ارتكى بالقلب..وفّــآ وكفـّآ
وانا معك واشواقي اكثر من الجرد ... واصدق من احلام الطفوله و أوفى
اطلبني تكفا.. وعطني حرية الرد ... ووالله ماتندم اذا قلت : تكفا
الله عطانياك يا باقة الورد ... وانا عطيتك محجر العين..منفى
|