السلام عليكم ورحمة الله وبركاته
اسعد الله اوقاتكم اخواني واخواتي الطلبة بكل خير
اليوم راح اتكلم عن موضوع تسجيل المواد , فية اخوان يحاولون انهم يسجلون
مواد اقل على شان يرتفع المعدل ,, طبعا لو سجلت 6 مواد او 9 مواد.. نفس الطريقه مافيه فرق
نجي نشرح لكم الطريقة بالارقام
لو طالب مستواه التعليمي متوسط , وحاب يسجل 6 مواد فقط ب 12 ساعة
طيب في الاختبار جاب في كل ماده فقط 80 درجة راح يكون معدلة على النحوالتالي
راح يكون نقاطه في كل مادة 8 × 6 = 48 ÷ 12 = 4 المعدل
طيب لو فرضنا انه راح يخذا 9 مواد ونفس الشي جاب في كل ماده فقط 80
8 × 9 = 72 ÷ 18 = 4 المعدل
راح يكون كذالك القسمه على التراكمي نفس الشي ..
بالنسبة ل6 مواد راح تاخرك عن التخرج في الاربع سنوات ترم او ترمين
وراح يزيد عليك في كل مستوى 4 ساعات اضافيه
ولو فرضنا انك طبقت هذه الخطه من المستوى الرابع
راح ينهي المستوى الثامن وباقي عند 20 ساعة دراسيه
راح تضطر انك تاخذ ال20 ساعة في ترم واحد وتضغط نفسك
او توزعها على ترمين دراسين بعد السنة الرابعه
طبعا 6 مود اكيد تعطيك وقت للمذاكرة ويكون اكثر الايام عندك راحه
تصلح للشخص الي ماهو مستعجل على التخرج
لكن الشخص الي يبي يخلص في 4 سنوات لازم يمشي على الخطة 8 مواد
او يزود ماده على شان المستويين الاخيرة تقل عنده المواد ويركز في المستوى الثامن اكثر
كذالك الي يحذفون مواد صعبة في البداية على شان يرتفع المعدل هذا غلط
لانك مصيرك تاخذ الصعبة وينزل المعدل
الأفضل انك توازن بين المواد في الصعوبة وفي السهولة
على الاقل يكون في كل ترم ماده او مادتين صعبة على شان النقاط تكون متوازنة
وبعضها يعوض الأخر ....