ملتقى طلاب وطالبات جامعة الملك فيصل,جامعة الدمام - عرض مشاركة واحدة - جميع التخصصات كل وحده دخلت تخصص ماتبيه تدخل هنا

..فطووم.. · 2014- 6- 20

اقتباس:

المشاركة الأصلية كتبت بواسطة Šãdêęm

أول شيء مبرووك لكم جميعاً على التخصص
سواء كنتو تبونه أو ماتبونه ..

ثاني شيء لاتخلون هـ الشيء يأثر فيكم لان ماتدرون الخيرة وينها فيه
على أيام تخصصنا كثير بنات كثيييير ماكانو حابين تخصصاتهم ومنهم كانو صديقاتي
وشيء طبيعي لازم يحذفون البنات بالتخصصات اما على حسب الدرجات أو المعدل أو الاكتفاء
ممكن تكونين جايبه المعدل ودرجاتك زينه بس فيه وحده أعلى منك خذت التخصص واكتففى < اعذارهم طبعاً

لكن الي بقوله شيء شفته من الواااقع ولامسته ..
البنات الي تخصصو بشيء مايحبوه انقسموا 3 اقسام .

* فئه شدة حيلها وذاكرت وحاولت تجيب درجات وماوقفها اليأس ولاتحطمت
وعلى الترم الثاني حولت للتخصص الي تبيه وهذاهم تخرجو << وكثير حولوا لقسمنا الخدمة الاجتماعية .

* وفئة دخلت براسها ترفع معدلها بس حبت التخصص وهي من أول كارهته وربي ومتحطمه بس مع الاايام حبته
وماشاءالله أبدعو فيه وعلى مشارف التخرج

* وفئه اتمنى ماتكونو مثلها وهي سريعة التحطم ولا عندها صبر وتحمل وحاطه ببالها شحنات سلبيه
وانها مادخلت الي تبيه يعني وقفت الدنيا ..!!!!

أتمنى لنا و لكم التووفيق يارب والله ينولنا أحلامناا

اختي بقول لك شي وسألتك بالله جاوبيني بكل امانه

انتي ماشاء الله عليك الحين اخصائية اجتماعية وتعرفين بهالامور
الحين اللي تشوفينه قاعد يصير بهالكلية شي طبيعي ؟
برايك اسلوبهم هذا اسلوب حضاري في التعليم ؟
احنا مو متعودين ع هالاسلوب في الدراسة نجي من المدرسة مدللين وكل شي بالنسبة لنا سهل وحلو جايين فرحانين ان وصلنا للجامعة وقربنا من حلمنا وننفجع باللي صار !
دراستنا هنا بالنسبة للدكاترة : ماعندهم امانه وذمه في التدريس مايشرحون واسئلة صعبة ومايقدرون الطالبة او يتعاونون معها + يدورون الزلة عشان ينقصون درجات بالهبل عشان شي سخيف
النظام الالكتروني : دايم فيه اخطاء ومعلق ووجوده وعدمه واحد كل مرة نستخدمه نضطر اننا نرجع للكلية بسبب ان النظام معلق او مايحفظ او مطلع نتيجة خطأ او مالي الاماكن وهي شاغرة الخ
الموظفات المسؤولات والاداريات وغيرهم : وجودهم والعدم واحد .. دايم مايدرون عن شي وكل وحدة تحولك للثانية ومايعرفون يسوون شي + هم المسؤولات عن اغلب المشاكل اللي قاعدة تصير للبنات هم اللي يخصصون وهم اللي يقبلون وهم اللي يسجلون المواد ويحذفونها وهم اللي يحطون الشروط واشياء كثير ويمشون كل شي بكيفهم
بالله طلعي لي جامعة في الدنيا تسوي نفس اللي يسوونه هم
انا اشوف الناس تهتم بالطلاب لان المستقبل بيكون بيدهم بعد الله سبحانه وتعالى
بس اللي يصير بكليتنا العكس يحطمونا كل يوم اكثر ويزيدون العراقيل قدامنا !
اختي احنا بشر ومو كلنا نفس بعض مهما تشابهنا يضل في تفاوت ببعض الامور بين كل شخص والثاني
انا شخصياً اذا كنت مغصوبة ع شي وكارهته ما اقدر امشي فيه واسلوبهم ذا انا ما اتحمله
بالاضافة الى الميول الشخصية " الله سبحانه وتعالى خلق كل انسان وفيه ابداع بشي معين" اذا كنت ادرس الشي اللي احبه طبيعي اني ببدع فيه ومابتذمر منه ابداً وبتحمل كل شي عشان مستقبلي .. انا وحدة ماحب اضغط نفسي كثيير بدون فايدة قسم الجغرافيا بالنسبة لي دسم وصعب وكل مستوى اغلب مواده متطلبة للمواد اللي قبلها .. انا اعرف نفسي اني ما اقدر ادرس فيه المواد وطريقة الدراسة فيه ماتناسبني !
انا قلت من قبل ميولي علم نفس او علم اجتماع وخدمة اجتماعية احلامي ورغبتي انسانية مثلك يعني خدمة اجتماعية احب هالشي مررررة وكنت اتمنى ادخله بس للاسف ماقدرت بسببهم والله يوفقك فيه يارب
انا ماقلت هالكلام الا مجربة ومتأكدة
واحب اقول لك شي انا الحمدلله مو نظرتي السلبية والمأساوية بالعكس بس هذا الواقع ومحد يقدر ينكر

آسفة اذا طولت ادري اني هذارة وكثيرة كلام بس قولي لي بما انك اخصائية اجتماعية هالشي اللي يصير صحيح ولا مو صحيح ؟