ملتقى طلاب وطالبات جامعة الملك فيصل,جامعة الدمام - عرض مشاركة واحدة - جميع التخصصات كل وحده دخلت تخصص ماتبيه تدخل هنا

Šãdêęm · 2014- 6- 20

اقتباس:

المشاركة الأصلية كتبت بواسطة ..فطووم..

اختي بقول لك شي وسألتك بالله جاوبيني بكل امانه

انتي ماشاء الله عليك الحين اخصائية اجتماعية وتعرفين بهالامور
الحين اللي تشوفينه قاعد يصير بهالكلية شي طبيعي ؟
برايك اسلوبهم هذا اسلوب حضاري في التعليم ؟
احنا مو متعودين ع هالاسلوب في الدراسة نجي من المدرسة مدللين وكل شي بالنسبة لنا سهل وحلو جايين فرحانين ان وصلنا للجامعة وقربنا من حلمنا وننفجع باللي صار !
دراستنا هنا بالنسبة للدكاترة : ماعندهم امانه وذمه في التدريس مايشرحون واسئلة صعبة ومايقدرون الطالبة او يتعاونون معها + يدورون الزلة عشان ينقصون درجات بالهبل عشان شي سخيف
النظام الالكتروني : دايم فيه اخطاء ومعلق ووجوده وعدمه واحد كل مرة نستخدمه نضطر اننا نرجع للكلية بسبب ان النظام معلق او مايحفظ او مطلع نتيجة خطأ او مالي الاماكن وهي شاغرة الخ
الموظفات المسؤولات والاداريات وغيرهم : وجودهم والعدم واحد .. دايم مايدرون عن شي وكل وحدة تحولك للثانية ومايعرفون يسوون شي + هم المسؤولات عن اغلب المشاكل اللي قاعدة تصير للبنات هم اللي يخصصون وهم اللي يقبلون وهم اللي يسجلون المواد ويحذفونها وهم اللي يحطون الشروط واشياء كثير ويمشون كل شي بكيفهم
بالله طلعي لي جامعة في الدنيا تسوي نفس اللي يسوونه هم
انا اشوف الناس تهتم بالطلاب لان المستقبل بيكون بيدهم بعد الله سبحانه وتعالى
بس اللي يصير بكليتنا العكس يحطمونا كل يوم اكثر ويزيدون العراقيل قدامنا !
اختي احنا بشر ومو كلنا نفس بعض مهما تشابهنا يضل في تفاوت ببعض الامور بين كل شخص والثاني
انا شخصياً اذا كنت مغصوبة ع شي وكارهته ما اقدر امشي فيه واسلوبهم ذا انا ما اتحمله
بالاضافة الى الميول الشخصية " الله سبحانه وتعالى خلق كل انسان وفيه ابداع بشي معين" اذا كنت ادرس الشي اللي احبه طبيعي اني ببدع فيه ومابتذمر منه ابداً وبتحمل كل شي عشان مستقبلي .. انا وحدة ماحب اضغط نفسي كثيير بدون فايدة قسم الجغرافيا بالنسبة لي دسم وصعب وكل مستوى اغلب مواده متطلبة للمواد اللي قبلها .. انا اعرف نفسي اني ما اقدر ادرس فيه المواد وطريقة الدراسة فيه ماتناسبني !
انا قلت من قبل ميولي علم نفس او علم اجتماع وخدمة اجتماعية احلامي ورغبتي انسانية مثلك يعني خدمة اجتماعية احب هالشي مررررة وكنت اتمنى ادخله بس للاسف ماقدرت بسببهم والله يوفقك فيه يارب
انا ماقلت هالكلام الا مجربة ومتأكدة
واحب اقول لك شي انا الحمدلله مو نظرتي السلبية والمأساوية بالعكس بس هذا الواقع ومحد يقدر ينكر

آسفة اذا طولت ادري اني هذارة وكثيرة كلام بس قولي لي بما انك اخصائية اجتماعية هالشي اللي يصير صحيح ولا مو صحيح ؟

طبعاً غلط والف غلط وطريقتهم ماهي صحيحة بتخصص الطالبات
وانا ضددها وحتى فكره ان الوحده على حسب معدلها بالتحضيري ماهي عاجبتني
لان محد فينا غبي وكلنا نقدر نجيب معدلات عاليه بس فيه ظروف تحكم فيه ان البنت اول ماتدخل
ماتكون فاهمه طريقة الدراسه الجامعية .. بس بنفس الوقت كذا بيكون اقبال الطالبات بتخصصات معينه
وهذا الي ماتبه الجامعه تبي تعبي الاقسام بالطالبات ومايهمها تحبه أو تكرهه .. !!

بس الشي الي ابيه ان محد يتضايق ويقول انا مااحب شيء مقدر امشي فيه وهذا غلط
هذانا اخذنا مواد من تحضيري مانحبها ومانطيقها بس ضغطنا على انفسها اجتهدنا ماقلنا ماراح نكمل
ونخلي هالماده توقف لنا بسبب كرهنا لها

الي ابيه اول شي تحمدين الله وتشكرينه ثاني شي استفسري عن المواد السهله بقسم الجغرافيا
الدكتورات الكويسات واخذي مواد عامه حطي قدامك هدف التحويل ، حتى مع طريقتهم الظالمه في التخصص حاولي انك تثبتين نفسك
ارفعي معدلك واطلبي تحويل وكثييييير جدا حولو لقسمنا ع السمستر الثاني ..

ومع الجامعه صدددقيني بتشوفين العجب مع انظمتهم من الحين لما تتخرجين بس عدي

وبالعكس انتي اختي اهذري زي ماتبين ، اسأل ربي ان يوفقك ويفتحها بوجهك
ويششرح صدرك ويررررفع معدلك ويرزقك التحويل ويسخر لك كل دكتوره تتعاملين معها