المشاركة الأصلية كتبت بواسطة غيداآء

لا فاهمه الشروط واصلاً هي واضحه والكلام اللي قلته قبل متأكده منه لاني شايفه سجلاتهم الاكاديميه وحسبت لهم معدلاتهم وفوقه اللي ردو هنا بالموضوع جموله و قمه نحو الهمه أكدو ان هالكلام صح يعني هم بنفسهم مستلمينها مو اي احد ثاني شوف رددوهم

وبالنسبه للسنه الدراسيه اترك دفعتنا لاننا ابتدينا اساساً من الفصل الاول يعني لما نبي نستلمها تكون لاربع سنوات ف حالة تفوقنا طيب واللي كان قبولهم ف الفصل الثاني وتفوقو بنفس هالفصل والفصل الاول من السنه اللي بعدها تفوقو بكذا يستحقونها لانها صارت لهم سنه دراسيه بمعنى ترميين متتاليتين

ترى اللي استلمو المكافأه للترم اللي راح بهالامتحانات اللي تو خلصناها للعلم هذي الدفعه الثانيه الى اللحين والدفعه الاولى كانت الترم اللي قبله بالضبط لو انها سنه دراسيه محتكره على فصل اول وفصل ثاني كان ماخذوها الترم اللي تو طاف ( الفصل الاول ) كان بتكون بس اللحين بعد هالفصل الثاني اللي خلصناه


هنا الشروط /



1-صرف مكافأة تفوق لطلبة التعلم الالكتروني و التعليم عن بعد للانتساب مقدارها 1000ريال لمن يتحصل على تقدير ممتاز كما هو معمول به في اللائحة المنظمة للشؤون المالية في الجامعات مع طلبة الانتظام وتنص اللائحة ان يكون ذلك بالحصول على معدل تراكمي 4.5 فأعلى لذا من تحصل على مقدار تراكمي 4.5 فأعلى في الفصل الدراسي الأول وكذلك على معدل تراكمي 4.5 في الفصل الدراسي الثاني من العام نفسه فانه يستحق المكافاة .علماً بأن هناك طريقتين لإستلام المكافأة:

شيك : في حالة اختيار شيك ، يجب على الطالب أن يستلمه من عمادة التعلم الالكتروني والتعليم عن بعد.
إيداع في حساب بنكي: يجب على الطلبة المتفوقين عند اختيار إيداع في حساب بنكي التأكد من صحة بياناتهم البنكية المدخلة وأن يتطابق رقم الهوية الوطنية للطالب مع رقم الحساب البنكي الخاص بالطالب.
2-منح شهادة شكر وتقدير للطلبة المتفوقين

3-منح خطابات لمن يهمه الامر موجهه لجهات العمل التي يعمل بها الطلبة وذلك حسب رغبة الطالب

4-إعلان أسماء الطلبة المتفوقين بطرق غير تقليديه مثل الإعلان عنها عبر وسائل الاتصال الحديثة وبطريقه مبتكره

ملاحظة:

الطلبة الذين كان قبولهم الفصل الأول تعتبر السنة الدراسية لهم الفصل الأول والفصل الثاني بحيث لا يكون هناك اعتذار أو تأجيل للدراسة لأحد الفصول.
الطلبة الذين كان قبولهم الفصل الثاني تعتبر السنه الدراسية لهم الفصل الثاني والفصل الأول من العام الذي يليه .





ابو اريام لازم تقتنع