يا طويل الباع ماني لخلق الله حسيب
كل واحد بحسناته يداري سيته
لا تقول لكل واحد تعرف به صحيب
جرب الرجال وتبين لك ما ريته
خوة الطيب تزيدك مع الأيام طيب
وش حلاة الكيف لو تنقطع بريته
والردي شرهات حصني على سريات ذيب
لو مشي له نص كليو يغير نيته
من قصر شبره عن الطيب قدام المشيب
أحسبه في كل حاله حساب وخيته
وان تردا بالمواجيب مردي النصيب
المنايا في مبيته عساها تبيته
ولا تصدق كل من قال سرك في قليب
أنتبه كم دلوبيرٍ فضح مطويته
ولو نسينا كل غايب عن أجوانا يغيب
ماذكرنا كل طيب يجي في جيته
وشجرةٍ ما لها ظل في الوقت العصيب
لا يغرك ظلها لو تطاول فيته