|
رد: برنامج التجسير ( البكالويوس التكميلي ) حاملين مؤهل الدبلومات .. هام تحديث للموضوع
اقتباس:
المشاركة الأصلية كتبت بواسطة راشد الصميدع
السلام عليكم يا عالم انا مشكلتي عويصة قدمت على جامعه شقراء تجسير حاسب الي وجتني رساله عن طريق الجوال والايميل يقولون فيها راجع كليه العلوم الطبيه التطبيقيه بالقويعيه..!! مع العلم ان تخصصي حاسب رحت لهم هناك وقالولي وش تخصصك قلت حاسب قالو مستحيل قلت هاذي رسالتكم المهم قالو منت عندنا راجع كليه العلوم الانسانيه رحت للعميد نايف وشرحت له الوضع وقال لي ما جانا شيء بخصوص استقبال الاوراق طيب يا الحبيب والرساله الي جتني على الايميل والجوال من وينstc راسلتها بالغلط مثلا المهم رفض استقبال اوراقي وقال راجع الجامعه بشقراء رحت هناك للدكتور عبدالرحمن الغامدي عميد كليه الحاسب وقال لي اسمك مو موجود بالقائمه يا الطيب كيف تبغى اسمي يكون موجود واصلا اوراقي معي شرحت الموضوع وقال هذا خطا كليه المجتمع والتعليم المستمر لان الرساله من عندهم رحت هناك وكتبت معروض وشرحت له الموضوع كامل وفيه احد الموظفين الله يجزاه خير عطاني رقم الدكتور عاصم السعيد وهو وكيل كليه المجتمع والتعليم المستمر كلمته وقال لي ايه وصلني خطابك والموضوع عند الدكتور عبدالرحمن وش هل البربسه ما تصير حتى في مدرسه متوسطه بقريه نائيه فما بالك بجامعه محترمه ارجوكم احد ينورني وين اروح ومن اشتكي طيب من الاساس ليش تعشمون فيني قسم بالله اني اطورق بهل الحر حتى ان موتري تعطل علي وسحبته للرياض كل هذا علشان الشهاده حسبي الله ونعم الوكيل هاذي ثاني مره اكتب معاناتي ومعليش على الاطاله
|
وعليكم السلام
أعطيك أيها من الأخر
أول شيء الخطأ من العمادة نفسها لأنها أرسلت هالرسالة
لجميع المتقدمين بالتجسير سوى حاسب آلي إدارة أعمال وأخرى
وليس للناس الذين تم ترشيحهم مثل ما هو مذكور بالرسالة
حتى صديقي إدارة أعمال وجاته الرسالة
لو جتك الرسالة مرة ثانية ف أنت مرشح لأن الأولى كان خطأ
دام موضوعك وصل لعاصم السعيد عميد خدمة المجتمع
نصيحة أخويه لك ما راح تحصل منه أي تجاوب فقط كلام
بالهواء وأنسان متسلط و و و إلى أخره راح تتعب على الفاضي
أنا أقولك أيها وبالفم المليان أنت لم تقبل وما أكتب الله نصيب
فحاول بجامعات أخرى أفضل منها والله يسهل أمرك 
|