|
رد: تخرجت وناويه ابتعث باذن الله ولكن !!
اقتباس:
المشاركة الأصلية كتبت بواسطة ransy
ماشاءالله عليك شيكاغو احسك بتفيدنا كثير
طيب انا باذن الله حابه اقدم البرنامج وفكرت من بدري ابحث واخطط وين اروح بالضبط ولقيت ولاية اوريغون افضل و
مكان واءمن ومافي ضرائب اعتقد وبالتحديد مدينه اورثلاند اتوقع اسمها كذا لكن يقولوا قفلوا المعاهد هناك
فكرت في اوهايو لانها كمان حلوه ورخيصه لكن جدا بارده
عطني كمان مدن حلوه وامنه ورخيصة شوي
|
بالنسبه لولاية اوريغون للاسف ما اعرف الا موقعها
وانها ولاية الطبيعه والباركات ولا جيتها
وبخصوص الضرائب اول مره اسمع انه في ولايه مافيها ضرائب
يمكن قصدك ضريبه اقل
في مكان نسيته شارلوت في نورث كارولينا مدينه جميله وفيها مبتعثين كثير
المدينه فيها مطار رئيسي اظنها مقر اليو اس اير ويز هذا مهم ويسهل
عملية التنقل داخل امريكا
بالاضافه للاماكن اللي نصحت فيها بيتسبيرغ في بنسيلفينيا
وضواحي شيكاغو وهي بارده فالشتاء بس لابد تعرفون
انه الشتاء في ولايات يكثر فيها نزول الثلوج تعيق الحركه والتنقل
يمكن تتوقف الدراسه اذا في عاصفه بس البرد في امريكا مافي برد
البيوت تدفئه والمولات والمطاعم يمر الشتاء ماحسينا ببرد
غير البرد فالسعوديه هذا لازم تعرفونه
اوهايو مجاوره لولاية ايلينوي اللي فيها شيكاغو مريتها مرور ما اعرف عن انظمتها
الامور هناك تتيسر واهم شي التخطيط الجيد وبشكل عام امريكا بلد ماتحس فيها بغربه
الباقي عاد يعتمد عالشخص ورغبته واي مكان يفضل وظروفه زي ماقلت البنت اللي ماتقدر
يكون معاها محرم دائم نصيحه اخ تدور على قبول في بيتسبيرغ
ملاحظه: الاخوان اللي يعترضون على ابتعاث البنات ياليت نترك نظام الوصايه عالناس
اما باهل بيتكم فانتم ادرى واعرف ولكم حق الموافقه او الاعتراض ماحد له دخل
وحتى لو تبي تنصح ماهو اسلوب انك تقول لبنت ماتعرفها لا تبتعثين والا كملي هنا
صيغة الامر من اعطاك الحق بتوجيهها لانسانه هي واهلها اعرف بمصلحتهم منك
بالتوفيق للجميع
احترامي
|