|
رد: كل وحده دخلت تخصص ماتبيه تدخل هنا
انا بعد كنت متضايقة حييل وبالي مشتت وماني عارفة شسوي ومن طلعت نتيجة التخصصات الى قبل يومين تقريباً وهذا حالي
كل شوي لي قرار مرة تعبت منهم مابكمل دراسة ومرة خلاص ببقى في هالتخصص
ومرة خلاص بشد حيلي واحول ومرة باخذ مادتين تخصص وثلاث عامة عشان منها اجرب التخصص ومنها ارفع معدلي ووووو مليوووون فكرة تروح وتجي براسي 
بس قلت لنفسي الى متى بضل كذا ومابستقر ع قرار .. ليش ايأس واحزن وربي مايمنع خير عن عباده لو الشي اللي ابيه فيه خير لي ربي مامنعه عني !
وهالتخصص اللي انا ما ابيه في كثيييير غيري يحلمون فيه وانا يوم ربي يسر لي ودخلته اجلس متحطمة وحالتي حاله لييش ؟!
محد يدري الله وش كاتب له في المستقبل يمكن يكون مستقبلي احلى من اللي اتمناه لو دخلت هالتخصص اللي انا رافضته 
وبعد تفكير طويل استقريت ع قرار
اني خلاص بضل ع الجغرافيا وبشد حيلي واحاول ابدع فيه قد ما اقدر ومابفكر بتخصص ثاني ابداً
لأن بأذن الله الجغرافيا بيكون افضل شي لي م دام ربي قدر لي اكون فيه .gif "(204)") 
شكراً لصاحبة الموضوع وشكراً لكل وحدة ساعدتني وحاولت انها تخفف عني وتقنعني ان اللي اسويه غلط وشكراً للجميييع .. الله يوفقكم ويوفقنا وتكون كل امورنا ميسرة ونتخرج كلنا مع بعض بأعلى النسب
|