من ناحية الدراسه تعتمد عليكي مافي احد يتابعك زي الثانوي ويقولك اختبري او سوي نشاط او او انتي لازم تعتمدي علا نفسك وجدول الامتحانات مو تاخذيه اول مره وخلاص لا ترجعي تتاكدي انه ماتغير لان يغيرونه اكثر من مره درجاتك تراجعيها ضروري لان من كثرة البنات ممكن دكتوره ماترصدلك درجة نشاط او بحث او غيره لازم تتاكدي اول باول انك اخدتي درجات اي شي قدمتيه وحاولي تخلصي الواجبات والعروض والانشطه اول الترم قبل الاختبارات النصفيه عشان ماتنظغطين .. العروض هي جزئ من المحاضره تسوينله عرض بور وتشرحينه والانشطه اختياري لكن عليها درجااات والواجبات مو مره كثيره يمكن الماده فيها واجب او واجبين بالترم ومواد مافيها فانصح هاذي الاشيا البسيطه خلصيها من بدري عشان وقت الاختبارات تتفرغي وتشدي حيلك
... التخصصات للادبي .. رياض اطفال .. تربيه خاصه .. انجلش ..
للعلمي .. حاسب .. فيزياء .. رياضيات
مسموحلك في كل ماده تغيبي 3 غيابات الرابع حرمان من الماده
واول مانداوم راح ياخذونكم في ورشه يفهمونكم كل شي
اللبس تنوره سوده وبلايز اي لون بشرط ماتكون كم قصير او شفافه
الجوال بدون كام .. الكفتيريا مو مره كبيره واسعارهم غاليه شوي
الحلو بالكليه النوادي الي يسونها فيها ترفيه وكمان بازار للتسوق يفتح مره بالترم اسبوع او اسبوعين
والدكاتره اغلبهم متعاونين
جدولك انتي ترتبيه علا راحتك تختاري الاوقات الي تناسبك وممكن تحطيلك يوم اوف
بالتوفيق ان شاء الله والف مبروك القبول