عرض مشاركة واحدة
  #1  
قديم 2014- 7- 1
Nada GH
أكـاديـمـي
بيانات الطالب:
الكلية: كلية الأمير سلطان العسكرية للعلوم الصحية
الدراسة: انتظام
التخصص: تحضيري
المستوى: المستوى الثالث
بيانات الموضوع:
المشاهدات: 15553
المشاركـات: 78
 
الملف الشخصي:
رقم العضوية : 148659
تاريخ التسجيل: Fri Jul 2013
المشاركات: 65
الـجنــس : أنـثـى
عدد الـنقـاط : 50
مؤشر المستوى: 52
Nada GH will become famous soon enough
 الأوسمة و جوائز  بيانات الاتصال بالعضو  اخر مواضيع العضو
Nada GH غير متواجد حالياً
إجابات للإستفسارات الشائعة.


السلام عليكم ورحمة الله وبركاته، ومبارك عليكم الشهر وتقبل الله صيامكم وقيامكم وصالح أعمالكم.

أنا ندى الغامدي، أتممت السنة التحضيرية بكلية الأمير سلطان بالظهران الحمدلله بنسبه راضيه عليها ودعواتكم لي أتخصص التخصص اللي أبغاه، تصفحت بعض المواضيع وحصلت أسئلة مشتركة وإن شاء الله أقدر أجاوب عليها بحكم تجربتي والمعلومات اللي عندي.

اقتباس:
كيف أعرف إذا نسبتي تدخلني الكلية؟
- من شروط القبول تكون نسبة التراكمي للثانوية 85% وفوق، والقدرات 70% كحد أدنى، والتحصيلي 65%.

اقتباس:
كيف انطباعكم عن الدراسه والدكاتره وأسئلة الإختبار
وإيش جنسية الدكاترة أجانب أو عرب؟
- أنا راح أتكلم عن تجربتي ويمكن أحد يختلف معاي، الدراسه بالسمستر الأول جداً سهله ما فيها مواد صعبه بس مو معناته التساهل فيها لأن ﻻزم تجيبون 5 عشان ترفع معدلكم السمستر الثاني، أما السمستر الثاني فهو يبغاله جهد أكبر شوي خصوصا إنها المواد علمية أكثر والأساتذة بيساعدونكم بالفهم إن شاء الله.

- من ناحية الإختبارات كل أستاذ أو دكتور عنده إسلوبه الخاص بس بشكل عام ما راح تكون تعجيزية كلها من الأشياء اللي انشرحت.
- الجنسيات مختلفة فيه السعودية والبريطانية والهندية والجنوب أفريقية والأردنية.

اقتباس:
هل يدخلون الأساتذة الرجال عند البنات أو تكون المحاضرة من شاشة؟
- بالتحضيري كان دكتور واحد يدرسنا فيزياء وكان يجي عندنا بالكلاس يلقي المحاضرة، وأظن باقي التخصصات كذا إن الدكتور أو الأستاذ يجي الكلاس.

اقتباس:
ايش الإجراءات اللي تكون بعد القبول؟
- إذا تم قبولك راح يوصلك إيميل بالقبول أو مسج على الجوال أو إتصال من الكلية، يعطونك يومين كحد أدنى أو ثﻻث عشان تقدم لهم أوراقك، "إذا كنت مقدم بجامعة أخرى وأرسلت لهم أوراقك ﻻزم تجيب معها إخلاء طرف"، راح يعطونك استمارة القبول وتعبيها بعد كذا تسوي الفحص الطبي بمجمع الملك فهد الطبي اللي هو جنب الكلية، وﻻزم تروح للأدلة الجنائية بالدمام عشان تعطيهم بصماتك،بكذا راح تكون أتممت إجراءات القبول.

اقتباس:
ايش المواد اللي أدرسها بالتحضيري ومتى ساعات الدوام؟
- الفصل الدراسي الأول: English اللغة الإنجليزية + Self development تطوير الذات"تدرسها بالعربي" + Math رياضيات + Computer كمبيوتر.

الفصل الدراسي الثاني: English اللغة الإنجليزية + Biology علم الأحياء + Chemistry الكيمياء + Physics الفيزياء + Islamic الثقافة الإسلامية "تدرسها بالعربي".

- ساعات الدوام: السمستر الأول من 7 ونص إلى 3 وربع، السمستر الثاني نفس الشيء بس راح يكون يوم بالإسبوع إلى 4 "بهذا اليوم كنا نطلع 3 وربع عادي".

اقتباس:
هل الكلية معترف فيها؟
- إيه معترف فيها وأعرف من المتخرجين توظفوا بأرامكو وبعضهم توظفوا بمستشفى الملك فهد التخصصي بالدمام.

اقتباس:
كم سنة الدراسة؟
- بكالوريوس: خمس سنوات " الأولى تحضيري + 3 سنوات تخصص + سنة امتياز".
دبلوم: 3 سنوات ونص.

اقتباس:
كم مقدار المكافأة الشهرية؟
- 1000 ريال وتنزل على حسابك في البنك الأهلي.


هذي الأسئلة اللي حصلت كثير يسألونها وأتمنى قدرت أجاوب عليها بالشكل المطلوب، واللي عنده أسئلة يطرحها هنا أو بهاشتاق الكلية على تويتر #PSMCHS وإن شاء الله نقدر نجاوبكم عليها.

هنا موقع الكلية إذا حابين تتعرفون أكثر على الكلية: http://www.psmchs.edu.sa/


بالتوفيق للجميع.

التعديل الأخير تم بواسطة Nada GH ; 2014- 7- 1 الساعة 04:11 PM
رد مع اقتباس