|
رد: شركات توظيف وهمية هدفها الاستغلال .. zenox inc
مساء الخير
هذي قصتي مع شركة zenox INC
انا خذيت عهد ع نفسي اوعي النااس عشان لايطيحون بنفس
المطب اللي طحت فيه .. هذا البوست موجود بمنتدى ثاني وراح اعمل اقتباس
بالقصه كامله ...
اقتباس:
السلام عليكم ورحمة الله ..
انا من الناس اللي وقعوا ضحية لهالشركة المحتاله .. الشركة اسمها Zenox INC
نفس ماقال الاخ فوق عرضو علي العمل كمندوبه لهم وقلت بنفسي بارت تايم جب ومميزات حلوه ليش لأ؟ .. هالعرض كان قبل فتره وانا وقعت معهم عقد ونسييت من السالفه تماما .. الاسبوع هذا يوم الاثنين بالليل جاني مسج من بنك الراجحي (تم اضافه 41500 ريال الى حسابك) انا كنت ناسيه الموضوع وانفجعت من المبلغ .. بعدها جاني منهم مسج ان العميل حول لك المبلغ وانتي لااازم لازم تحولين المبالغ لنا اليوم اليوم (هذا دليل النصب) وعطوني بيانات الاشخاص اللي المفروض احول لهم .. ولازم التحويل يكون عن طريق الويسترن يونيون (دليل ثاني للنصب) لان الويسترن يونيون مو آمن زي بقية البنوك .. المهم انا كنت باروح اودعها زي الطيبين .. وانا الحمدلله استخرت وربي حماني لان سواقي تأخر وماقدرت اروح (حكمة من الله) المهم .. في اليوم التالي برضو رحت اسحب المبلغ وفي الطريق جاني مسج من الراجحي (نأمل مراجعة البنك لاثبات احقيتك بالمبلغ) رحت وانا مرعوبه خصوصا اني قرأت هذا الموضوع وشفت ردودكم ماتبشر بالخير ابدا .. رحت قلت لهم كلل السالفه وفهمو الموضوع .. وطلبوا مني اكتب خطاب باللي حصل وانا طلبت بالخطاب بعد ان المبلغ يرجع للمصدر كذا لا عليه شي ولا الشركة النصابه تقدر تطالبني باي مبلغ .. قالت لي انتظري عشان تاخذين رد عالخطاب .. بس ماقدرت انتظر لانهم طولوا .. وجاني الرد اليوم من مديرة البنك اني المفروض اروح اوقع على اعادة تحويل المبلغ للمصدر ..
طبعا الشركة ارسلت لي مسج انك سرقتي اموالنا ورح نرفع عليك قضيه لانه جاني مسج منهم قبل اذا كنت حولت المبلغ ولا لاء .. فما رديت عليهم .. رديت عليهم بانهم محتالين وبسبب الفلوس اللي حولوها وقعت في مسائلة وتجمدت حساباتي و والفلوس رح ترجع للمصدر وماعاد ابغى منكم اي ايميل او تحويل ..
وبس هذا اللي حصل واتمنى الكل ينتبه من هالشركات الوهميه اللي مصدرها الوحيد الاختلاس وغسيل الاموال .. وحسبنا الله ونعم الوكيل
|
|