ملتقى طلاب وطالبات جامعة الملك فيصل,جامعة الدمام - عرض مشاركة واحدة - السنة التحضيرية تجمع لطالبات السنهه التحظيريه {علمي ~

narjes711 · 2014- 7- 2

اقتباس:

المشاركة الأصلية كتبت بواسطة .. Hope

اول شي , الف مبروك القبول للمستجدات انا برضوا مقبولة ولله الحمد ب العلمية
والاحظ فيه مجموعة شبه كبيرة من بنات التحضيري توهم جدد ب الحفر وشي يريح صراحة لاني جديدة بعد

..

المهم بعد ماعرفت كذا معلومه من البنات اللي عندهم خلفية عن السنة التحضيرية

قلت افيدكم خواتي : نرجس & وجدان ..

اولاً مبروك نرجس القبول , بالنسبة للدراسة التحضيرية بشكل عاام عادية واقرب مالها سهله بس كل شي زين يبي له جهد وتعب وعلى قولتهم لا تستسهلينها ولاتستصعبينهاا شدي حيلك والباقي على رب العالمين ان شاء الله تجيبين معدل يرضيك - والمبنى يقولون جديد وكويس وان شاء الله شرح ويفتح النفس انتي بتتعودين على المكان بعدين ,

مبروك وجدان قبولك ,
المستجدات دايما محيوسات لكن لا تفكرين كثير ولا تشيلين هم سهليها وتسهل واناختس وكل شي ب يصير كويس ولاهوب صاعب عليتس ياقلبي

* بالنسبة للدوام صحيح يقولون مهم تداومين اول يوم " 5 / 11 " تعرفين الكلية واللي لك واللي عليك , والوثائق . بما انك كملتي بياناتك وخلصتي باقي تسلمينهم اشعار القبول اذا داومتي ب اول يوم بس , والاوراق اللي تخص بطاقتك ورقمك الجامعي والاشياء الثانيه راح يرسلون لك رساله يعلمونك وان شاء الله مايفوتك شي

* السكن يقولون فيه كذا فندق غالبيتهم معلمات وطالبات لكن ان شاء الله يفيدونك البنات ب اسعارهم واسمائهم لان ماعندي خلفيه والله

* بالنسبة لكرت العائلة يفضل يكون لك بطاقة احوال بما انك بتسكنين ب سكن ع شان يكون شي خاص فيك ومالهم مرجع لكرت العائلة بس سواء الكرت العائلي وبطاقة الاحوال , كلهم نفس الشي وانتي براحتك واذا مهم ب يقولون لك البنات

* وبالنسبة لتخصصك العلمي ورغبتك باللغة الانجليزية , انا نفسك تماما ب العلمية وناوية انجليزي بإذن الله , ف المطلوب منك تدرسين اول ترم وتجيبين المعدل المطلوب للغة الانجليزية وتحولين لكلية الاداب وتتخصصين انجليزي وسمعت من خالتي انك تقدرين تحولين ب اول اسابيع دوام بس كيف الطريقة مادري , وان شاء الله البنات يفيدوننا واناختس

.. ويقولون نظام الجامعة هالسنة اسهل من قبل لان كل شي صار الكترونياً , ف لاتشيلين هم شيوان شاء الله ربي يوفقك ويوفقناا وتوكلي على رب العالمين

والجداول وهالكلام , راح يرسلون لك رساله ان شاء الله بوقت فتح التسجيل , يعني ماتخافيش خالص

ب التوفيق .. لـ بنات التحضيري

ممشكووورة غناتي
لاخلا و لاعدم منك والله يوفقك
طيب حبيت استفسر ويش الاوراق اللي ارسلهم ومتي ارسلهم وهل لازم اروح ؟