2014- 7- 4
|
#5
|
|
مشرفة المستوى الثامن علم اجتماع سابقاً
|
رد: هو لغز .. هو غموض .. هو معجزة بشرية ..!
الرحلة الثانية :
مطلع الشمس ..
(حتى إذا بلغ مطلع الشمس وجدها تطلع على قوم لم نجعل لهم من دونها سترا) الكهف 90
اتجه ذو القرنين لجهة الشرق عند مطلع الشمس , وبرضو نقول هو فين كان عشان يتجه للشرق الله أعلم..
ولكن القران الكريم أيضا وصف المكان وصف يميزه عن بقية بلدان الشرق 
زي ماوصف المغرب بالتحديد عند العين الحمئة ..
وصَفَ القرآن القوم اللي عند مطلع الشمس وصف غريب ... 
ذكر بأنه لم نجعل لهم من دونها سترا ... كيف يعني لم نجعل لهم سترا ؟!! 
يقول لكم ياحبايبي بأن هؤلاء القوم يعيشون في بلد من طلوع الشمس لغروبها ماعندهم ستر يسترهم منها
يا أما انو بيوتهم لاتضللهم من الشمس او ماعندهم اصلا من بيوت
أو انهم لايلبسون لباسا يسترهم , او ان ارضهم مافيها اشجار أو جبال مرتفعه تظلهم عنها أوغيرها من الاسباب..
الزبدة انو ما عندهم من دون الشمس حاجز ولاستر , طيب ذو القرنين ايش سوا فيهم ؟؟
شوفو الاية ( كذلك وقد أحطنا بما لديه خبرا 91 ثم اتبع سببا ) الكهف
طيب ايش فهمتوا من الاية ؟!!
القصة هنا وقفت , القران ذكر بداية القصة ولا أنهاها ؟ ايش تتوقعوا ذو القرنين عمل فيهم ؟!!
شوفو ياحبايبي .. 
معروف ان القران بليغ جدا في معانيه , عشان كذا هو يعتبر معجزة ..
كتاب مكون من 600 صفحة فقط ولكن انذكر فيه قصص ماقبل الخليقة الى نهايتها ..
لو الواحد يبغى يكتب رواية بسيطة تتكلم عن محور واحد فقط رح ياخد مئات الصفحات ..
ولكن قراننا في هذا العدد البسيط من الصفحات علمنا ودرسنا وقص علينا احسن القصص,
وكيف بدأ الخلق وكيف ينتهي ومين هم الامم السابقة وايش يصير يوم القيامة و.... القائمة تطول ..
تكملة القصة في كلمة واحدة فقط .. كذلك
اي نعم .. كذلك .. هذي الكلمة الواحدة فقط تعني انو كذلك اللي حصل في الرحلة الأولى تراه صار في الرحلة الثانية ..
بمعنى انو ربنا سأله هل سيعذبهم أو يتخذ فيهم حسنا , وذو القرنين برضو جاوب نفس الجواب :
اللي كافر ينقتل واللي مؤمن يتعامل معاملة حسنة ...
هذي الاية لحالها تعتبر معجزة سبحان الله
وبكذا تكون انتهت رحلته في جهة المشرق و (ثم أتبع سببا )الكهف92 ..
برضو اخذ الاسباب والطرق عشان يكمل مشواره للرحلة الثالثة.. رحلة مابين السدين
وقفة ..
قرأت كتاب قبل كم سنة عن اسرار ذي القرنين وكان المؤلف كاتب فكرة تقريبا اقتنعت فيها عن مطلع الشمس ,
وقال انو في مجموعة جزر في جهة الشرق اسمها القديم كريباتي واسمها الحالي كيريباس تعتبر هي اول بلده تشرق عليها الشمس ,
لدرجة انو اهلها في رأس السنة احتفلوا احتفال كبير عشانهم يعتبروا اول ناس ابتدت عندهم السنة الميلادية وغيروا اسم وحدة من الجزر باسم جزيرة الألفية ,
وعلمهم عبارة عن شمس مشرقة ..
http://up.alhilalclub.com/uploads/pu...41517_v240.png
فهي جزيرة فقيرة جدا من أفقر دول العالم ولبسهم عبارة عن سعف نخل أوخسفه أو مدي ايش اسمه زي اللي نشوفه في أفلام الكرتون 
وتعتبر هي البلد الوحيد على الأرض التي يقع على أرباع الكرة الأرضية الأربعة
وسبحان الله فيها جزيرتين اختفوا تحت البحر عام 1999 لدرجة انو رئيس دولتهم عمل اتفاقية انو يشتري مجموعة أراضي من الدول المجاورة (دولة اسمها فيجي)
عشان ينقل سكان دولته لهذي الاراضي بسبب ارتفاع منسوب مياه البحر .
اعملوا بحث باسم Kiribati واتفرجوا على جمال أرضهم وعلى فقر الشعب
وكيف انهم يعتبرو بدائيين جدا مع اننا في عام 2014 ..الحمدلله ع النعمة اللي أحنا فيها
فالمؤلف طرح الفكرة عن كونها تكون هي مطلع الشمس وانا شخصيا اقتنعت فيها اقتناع جزئي مو تام
ولكن يبقى الموقع بالضبط سر مايعلمه الا الله
وثم اتبع سببا ..
...
|
|
التعديل الأخير تم بواسطة .Perfect ; 2014- 7- 4 الساعة 11:19 PM
|
|
|
|