2010- 6- 17
|
#2338
|
|
أكـاديـمـي ذهـبـي
|
الوسط الحسابي ^^
يلا بسم الله نبدأ بالوسط الحسابي ...
بنات انتبهوا الوسيط هو الذي يتوسط الأعداد بينما الوسط الحسابي أنتِ تحسبينه بعملية حسابية لاتلخبطون ^^
وترى الوسط الحسابي له كذا درس أنا بشرح أول وسط حسابي اللي مافيها تكرارات ولا مرجح ولاهندسي اللي هو أول واحد تراه سهل جدّاً جدّاً وتافه بعد 
طيب بسم الله :
تعريفه :إذا كان لدينا n من الأعداد "يعني قيم المشاهادات.
X1 ,X2 ,X3 ,... ,Xn فإن الوسط الحسابي لهذه الأعداد هو :
تكتبين القانون لازم اللي هو موجود بالكتاب ما أعرف أكتبه هنا لازم حوسه المهم ترى لازم القانون قبل أي مسألة لأن قالت لنا علية إن لو تكتبين القانون بدون الحل تاخذين نص الدرجة 
طيب نشرحه ألحين بعدما كتبنا القانون إذا أعطتنا مجموعة من الأعداد وقالت احسبي الوسط الحسابي نروح نجمع هذي الأعداد كلها والمجموع الناتج نقسمه على عدد الأعداد والناتج هو الوسط الحسابي وبالمثال يتضح المقال ..
مثلاً :أوجدي الوسط الحسابي للأعداد 2 ،5 ، 6 ، 7 ، 8 ،5 ،4 ؟
أول شيء نكتب القانون اللي في الكتاب ونكتب لها شوية شرح من عندنا وش سوينا في الحل نتفلسف شوي
بعدين نجمع الأعداد المطلوبة في السؤال ..
2 + 5 + 6 + 7 + 8 + 5 + 4 = 37.
ناخذ مجموع الأعداد ونقسمه على عدد الأعداد يعني ألحين كم رقم موجود في السؤال 7 أرقام.
يعني 37 تقسمينهم على 7 والناتج يصير الوسط الحسابي 5.28
إن شاء الله فهمتوا وإن شرحي يكون واضح لكم ^^
وأي سؤال أنا حاضرة ^^
دعواتكم.
|
|
التعديل الأخير تم بواسطة badorah ; 2010- 6- 17 الساعة 12:20 PM
|
|
|
|