ملتقى طلاب وطالبات جامعة الملك فيصل,جامعة الدمام - عرض مشاركة واحدة

R.R · 2014- 7- 6

اقتباس:

السلام عليكم
مبارك عليكم ماتبقى من الشهر حبايبي

انا عندي بعض الاستفسارات واتمنى تجاوبوني وان شاء الله انكم ماتقصرون..

1) لما تنزل المواد ويجي التسجيل انا اختار الدكاتره؟ اللي فهمته بيكون نظام شعب يعني مثلا انا اخترت شعبه وصديقاتي مثلي بنكون بنفس الشعبه صح؟ سؤالي يكونون الدكاتره معينين لكل شعبه يعني جدول نازل من عندهم باسماء الدكاتره اللي يدرسون بهالشعبه صح؟

2) فيه لوكرات؟ واذا اي بكم ايجارها ومتى يبدا بداية الدراسه او متى؟ ويصير عليها زحمه وتخلص بسرعه او لا؟

3) عرفت ان الترم الاول 9 مواد ابي اسال اللي مجربه ماخذتها كلها بترم واحد شلون سهل ولا صعب؟ واثر على معدلها او لا؟

4) متى يعطوني الرقم الجامعي عشان اقدر ادخل على سجلات الطلاب؟ لان اللي فهمته ان تسجيل المواد من هالمكان بس انا لسى ماقدر ادخل عليه

5) احكولي اشياء تفرح وتبسط بالجامعه تخليني اتفائل واتحمس لها

شكرا لكم

وعليكم السلام

اي صح اول مستوى يكون نظام شعب يعني الدكاترة هم منزلينها انتي بس اختاري الشعبه الللي تبين
بعدين الترم الثاني انتي تختارين الدكاترة

اب فيه لوكرات ، السنه 100 ريال ، لا عادي مو شرط يكون زحمه تقدرين تاخذينها من بداية السنه

انا اول مستوى لي بالكلية اخذت تسع مواد الصراحه ضغط ضغط وزحمه الحمدالله اني نجحت فيهم كلهم ، بس اذا بتذاكرين اول بأول خذيها كلها لان بعدين بالنهائي تصير اختباراتك ورا بعض ما فيه يوم راحه هذا اذا اخذتيها كلها التسعه

بالنسبة الرقم الجامعي والله ما أدري عنه

تبين نصيحتي لك !
نصيحه ذاكري اول بأول عشان ما يتراكم عليك بالنهائي وتندمين
حتى لو اخذتي أقل من تسعه ذاكري اول بأول ، الكلية مو نفس المدرسسة
ذاكري زين عشان يرتفع معدلك وتدخلين التخصص اللي تبينه

لان الاسئلة اللي تذاكر زين تحل واللي ما تذاكر تلخبط
وحاولي تجلسين قدام وتكتبين كل شي مع الأستاذة لان اغلب اللي يقولونه يجي بالاختبار ، بعضهم كذا
بس انتي شدي حيلك من اول مستوى من اول السنين لانها هي الأهم

موفقه يارب ، وأي سؤال تبين تسألين اسألي