|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
فلانه بسألك وش شعورك لو في يوم فقدتيني
ياترى قلبك بيفرح أو يزيد في موجعه
قبل لا أسمع شعورك أبيك أول تسمعيني
شعوري تجاهك غريب شعور آه ما أروعه
أنا أحبك فيك أموت وأنت لي نور عيني
وأنتي كل شي في حياتي ومحد(ن) فوق حبك أرفعه
أنا الحب كنت أجهله وماله مكان فيني
كنت أحسبه شي تافه وعشته كذب وأسمعه
واليوم الحب محتويني كيف؟ لا لا تسأليني
أنتشر فيروس حبك ولا عاد أقدر أمنعه
الطمع طبع البشر وأبيك في حبي تفهميني
مهما من حبك خذيت قلبي بيزيد في مطمعه
قلبي مشكلته فطين وأنتي أدرى مني فيني
ومهما تعذرت وقلت صعب أقدر أخدعه
حد الصبر عندي وصل أنا أسف أعذر يني
صدقيني صبر البشر ماعاد قلبي يوسعه
أبي شوفك ياقمر أبي رحمتك أرحميني
ترى قلبي منك تعذب ومستحيل كلامك يقنعه
ديري بالك علي زين لايجي يوم وتهمليني
ولا بيجيك خبر شين حبيبك لاقى مصرعه
|